»   » ಶಾರೂಖ್‌ ‘ಹುಳಿ ಮಾವಿನ ಮರ ’

ಶಾರೂಖ್‌ ‘ಹುಳಿ ಮಾವಿನ ಮರ ’

Posted By: Super
Subscribe to Filmibeat Kannada

ಥಳಕ್ಕುಬಳುಕಿನ ಬಾಲಿವುಡ್ಡಲ್ಲಿ ಪ್ರತಿಭೆಯನ್ನೇ ನೆಚ್ಚಿಕೊಂಡ ನಟ ಶಾರುಖ್‌ ಖಾನ್‌ ಈಗ ಏನು ಮಾಡುತ್ತಿದ್ದಾರೆ ? ಅವರ ನಿಕಟವರ್ತಿಗಳನ್ನು ಕೇಳಿ- ಶಾರೂಖ್‌ 6 ತಿಂಗಳ ರಜೆಯಲ್ಲಿದ್ದಾರೆ, ಎನ್ನುವ ಉತ್ತರ ಬರುತ್ತದೆ.

ಇಲ್ಲ . ಶಾರೂಖ್‌ ರಜೆಯಲ್ಲಿಲ್ಲ . ಆತ ಶೂಟಿಂಗ್‌ನಲ್ಲಿ ಭಾಗವಹಿಸುತ್ತಿಲ್ಲ ಎನ್ನುವುದು ನಿಜವಾದರೂ, ರಜೆಯನ್ನಂತೂ ಅನುಭವಿಸುತ್ತಿಲ್ಲ . ಹೆಂಡತಿ ಮಕ್ಕಳ ಕೈಗೂ ಶಾರೂಖ್‌ ಬಿಡುವಾಗಿ ಸಿಗುತ್ತಿಲ್ಲ . ಶಾರೂಖ್‌ ಮನಸ್ಸೀಗ ಅಸ್ತವ್ಯಸ್ತ . ಅಲ್ಲಿ ನೆನಪುಗಳ ಶಿಕಾರಿ ನಡೆಯುತ್ತಿದೆ. ಆತ ಸತ್ಯಾನ್ವೇಷ್ವಣೆಯ ದಾರಿಯಲ್ಲಿದ್ದಾನೆ; ಅರ್ಥಾತ್‌ ಆತ್ಮ ಚರಿತ್ರೆ ಬರೆಯುತ್ತಿದ್ದಾನೆ.

ಆತ್ಮ ಚರಿತ್ರೆ ಎಂದರೆ ಅದು ಸತ್ಯದ ಅನ್ವೇಷಣೆ ಅನ್ನುವುದರಲ್ಲಿ ಎರಡು ಮಾತಿಲ್ಲ . ಆದರೆ ಸತ್ಯ ಹೇಳುವುದಕ್ಕೆ ಎಂಟೆದೆ ಬೇಕು. ಅಂಥ ದಿಟ್ಟೆದೆಯಿಲ್ಲದವರ ಚರಿತ್ರೆಗಳಲ್ಲಿ ಆತ್ಮವೇ ಇರುವುದಿಲ್ಲ . ಶಾರೂಖ್‌ ನಿಜವನ್ನೇ ಬರೆಯುತ್ತಾರಾ? ಗೊತ್ತಿಲ್ಲ . ಆದರೆ, ಬಣ್ಣದ ಲೋಕದ ಈ ನಟನ ಬದುಕು ಸಾಕಷ್ಟು ವರ್ಣರಂಜಿತವಾಗಿಯೇ ಇದೆ, ಅನುಮಾನ ಬೇಡ. ಹೀಗಿರುವಲ್ಲಿ ಶಾರೂಖ್‌ ಆತ್ಮ ಕಥನ ಮತ್ತೊಂದು ಹುಳಿ ಮಾವಿನ ಮರವಾದಲ್ಲಿ ಆಶ್ಚರ್ಯವೇನೂ ಇಲ್ಲ .

ಈಗಾಗಲೇ ಆತ್ಮ ಕಥನದ 25 ಅಧ್ಯಾಯಗಳನ್ನು ಶಾರೂಖ್‌ ಮುಗಿಸಿದ್ದಾರಂತೆ. ಶಾಲಾ ದಿನಗಳಿಂದ ಸಿನಿಮಾದ ಇವತ್ತಿನ ಮೆಟ್ಟಿಲವರೆಗಿನ ಚಿತ್ರಗಳನ್ನು ಶಾರೂಖ್‌ ನೆನಪಿನ ಗಣಿಯಿಂದ ಅಗೆಯುತ್ತಿದ್ದಾರೆ. ಅಂದಹಾಗೆ, ಇಂಥದೊಂದು ಅನ್ವೇಷಣೆಯ ಐಡಿಯಾ ಹೊಳೆದದ್ದಾರೂ ಹೇಗೆ ?

ಇತ್ತೀಚೆಗಷ್ಟೇ ಸಾವು-ಬದುಕಿನ ಉಯ್ಯಾಲೆಯಲ್ಲಿ ಜೀಕಿ ಉಳಿದ ಶಾರೂಖ್‌ಗೆ ಬದುಕಿನ ಅಸಂಗತತೆ ಅರ್ಥವಾಯಿತಾ? ಹಾಗಾಗಿ ಆತ ನೆನಪುಗಳ ದಾಖಲಾತಿಗೆ ಹೊರಟನಾ? ಉಹುಂ, ಆದದ್ದೇ ಬೇರೆ- 'ಜೋಶ್‌" ಚಿತ್ರದ ಸೆಟ್ಟಲ್ಲಿ ಈ ಐಡಿಯಾ ಹೊಳೆಯಿತು. ಆತ್ಮ ಚರಿತ್ರೆ ಬರೆಯಬಾರದೇಕೆ ಎಂದು ಮಹೇಶ್‌ ಭಟ್‌ ಕೆಣಕಿದರು. ನಾನು ಸವಾಲನ್ನು ಸ್ವೀಕರಿಸಿದೆ ಎನ್ನುತ್ತಾರೆ ಶಾರೂಖ್‌.

ಶಾರೂಖ್‌ ಆತ್ಮ ಕಥನದ ಬರವಣಿಗೆ ಬೇಗ ಮುಗಿಯಲಿ ; ಚಿತ್ರರಸಿಕರೊಂದಿಗೆ, ಅಕ್ಷರ ಪ್ರೇಮಿಗಳೂ ಕಾಯುತ್ತಿದ್ದಾರೆ.

English summary
Shah Rukh pens his autobiography

Kannada Photos

Go to : More Photos

ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada

X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more