ರಿಮೇಕ್‌ಗೆ ಜೈ ಮತ್ತು ಸೈ -ವಿಷ್ಣು ವರ್ಧನ್‌

By Staff

| Published: Tuesday, April 5, 2005, 16:50 [IST]

ದಟ್ಸ್‌ಕನ್ನಡ ನ್ಯೂಸ್‌ಬ್ಯೂರೋ

ಬೆಂಗಳೂರು ವಿವಿ ‘ಗೌರವ ಡಾಕ್ಟರೇಟ್‌’ ಪಡೆದ ಸಂಭ್ರಮದ ಮಧ್ಯೆ, ಪ್ರೆಸ್‌ಕ್ಲಬ್‌ ಆಯೋಜಿಸಿದ್ದ ಸುದ್ದಿಗೋಷ್ಠಿಯಲ್ಲಿ ವಿಷ್ಣು ವರ್ಧನ್‌ ಮಾತನಾಡುತ್ತಿದ್ದರು.

ಡಾಕ್ಟರೇಟ್‌ಗೆ ನಾನು ಅರ್ಹನೆ ಅಥವಾ ಅರ್ಹನಲ್ಲವೇ? ಈ ಪ್ರಶ್ನೆ ನನ್ನನ್ನು ಕಾಡುತ್ತಿದೆ. ಆದರೆ ಆಶೀರ್ವಾದ ರೂಪದಲ್ಲಿ ಬಂದಿರುವ ಡಾಕ್ಟರೇಟ್‌ ಬೇಡ ಎಂದು ಅಹಂಕಾರ ಪ್ರದರ್ಶಿಸಲಾರೆ ಎಂದರು.

ಈ ಪ್ರಶಸ್ತಿ /ಗೌರವ ನನ್ನ ಗುರುಗಳಾದ ಪುಟ್ಟಣ್ಣ ಅವರಿಗೆ ಅರ್ಪಿತ. ಪುಟ್ಟಣ್ಣ ಚಿತ್ರಮಂದಿರ ಉಳಿಸಿಕೊಳ್ಳಲು ಪ್ರಾಮಾಣಿಕವಾಗಿ ಹೋರಾಟ ನಡೆಸುವುದಾಗಿ ವಿಷ್ಣು ಈ ಸಂದರ್ಭದಲ್ಲಿ ಘೋಷಿಸಿದರು.

ವಿಷ್ಣು ವಿಚಾರಧಾರೆಯ ಸ್ಯಾಂಪಲ್‌ಗಳು :

ರಿಮೇಕ್‌ ಚಿತ್ರ ಬೇಡ ಅನ್ನೋರು, ಅನುವಾದಿತ ಕಾದಂಬರಿಯನ್ನು ಯಾಕೆ ಓದ ಬೇಕು? ಎಲ್ಲಿಂದಲೋ ಬಂದ ಪೀಜಾವನ್ನು ಯಾಕೆ ತಿನ್ನಬೇಕು?

ರಾಜಕೀಯಕ್ಕೆ ಸದ್ಯಕ್ಕೆ ಬರೋದಿಲ್ಲ. ಅದು ನನಗೆ ಸರಿಹೊಂದುವುದೇ ಅನ್ನೋ ಪ್ರಶ್ನೆ ನನ್ನ ಮನದಲ್ಲಿದೆ.

ಚಿತ್ರರಂಗದಲ್ಲಿ ಒಂದು ಗುಂಪು ನನ್ನನ್ನು ಪಾಕಿಸ್ತಾನದವನಂತೆ ಕಾಣುತ್ತಿದೆ. ವ್ಯಕ್ತಿಯಾಗಿ ನಾನಿಲ್ಲಿ ಏನೂ ಮಾಡುವ ಹಾಗಿಲ್ಲ.

ಕನ್ನಡ ಪ್ರೀತಿ ಎಲ್ಲರಿಗೂ ಬೇಕು. ಭಾಷೆಯ ಋಣ ತೀರಿಸುವುದು ಎಲ್ಲರ ಕರ್ತವ್ಯ.

ನನಗೆ ಪ್ರಶಸ್ತಿಗಳ ಬಗ್ಗೆ ಆಕರ್ಷಣೆ ಇಲ್ಲ. ನನಗ್ಯಾವ ಪ್ರಶಸ್ತಿಗಳು ಬೇಡ.

ಮತ್ತೊಂದು ಸುದ್ದಿ : ವಿಷ್ಣುವರ್ಧನ್‌ ಅಭಿನಯದ ಹೊಸ ಚಿತ್ರ ‘ವಿಷ್ಣು ಸೇನಾ’ ಚಿತ್ರ ಶುಕ್ರವಾರ(ಡಿ.23) ರಾಜ್ಯದೆಲ್ಲೆಡೆ ತೆರೆಕಾಣಲಿದೆ.

Post your views

ಮುಖಪುಟ / ಸ್ಯಾಂಡಲ್‌ವುಡ್‌