ಮಹಿಳೆಯರಿಂದ ಮಹಿಳೆಯರಿಗಾಗಿ ಒಂದು ಚಿತ್ರ

ಇದು ಒಂಥರಾ ಮಹಿಳೆಯರಿಂದ ಮಹಿಳೆಯರಿಗಾಗಿ ಮಹಿಳೆಯರಿಗೋಸ್ಕರ ನಿರ್ಮಿಸಿರುವ ಚಿತ್ರವಿದು. ಕಣ್ಣಿಗೆ ಎಣ್ಣೆಬಿಟ್ಟುಕೊಂಡು ನೋಡಿದರು ಈ ಚಿತ್ರದಲ್ಲಿ ಎಲ್ಲೂ ಪುರುಷ ಪುಂಗವರು ಕಾಣುವುದಿಲ್ಲ. ಮಹಿಳಾ ಕಲಾವಿದರು, ತಂತ್ರಜ್ಞರು ಸೇರಿ ನಿರ್ಮಿಸಿರುವ ಚಿತ್ರವಿದು.

ಭಾರತೀಯ ಚಿತ್ರರಂಗದಲ್ಲೆ ಈ ರೀತಿಯ ಸಾಹಸ ಮೊದಲು ಎನ್ನಲಾಗಿದೆ. ಅಂದಹಾಗೆ ಈ ಚಿತ್ರದ ನೆರೆಯ ಆಂಧ್ರದಲ್ಲಿ ನಿರ್ಮಿಣವಾಗುತ್ತಿದೆ. ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿರುವವರು ಡಾ.ಹೈಮಾ ರೆಡ್ಡಿ. ಚಿತ್ರದ ಛಾಯಾಗ್ರಾಹಕ, ಗಾಯಕಿ (ಗಾಯಕ ಇಲ್ಲ) ಎಲ್ಲರೂ ಮಹಿಳೆಯರೆ.

ಚಿತ್ರವನ್ನು ನಿರ್ದೇಶಿಸುವ ಜೊತೆಗೆ ನಿರ್ಮಾಣದ ಜವಾಬ್ದಾರಿಯನ್ನು ಹೊತ್ತಿದ್ದಾರೆ ಹೈಮಾ ರೆಡ್ಡಿ. ಈ ಹಿಂದೆ ಇವರು ಖ್ಯಾತ ನಿರ್ದೇಶಕ ಕೆ ಬಾಲಚಂದರ್ ಜೊತೆ ಕೆಲಸ ಮಾಡಿದ್ದರು. ಆಸ್ಟ್ರೇಲಿಯಾದಲ್ಲಿ ಡಿಜಿಟಲ್ ಫಿಲಂ ಮೇಕಿಂಗ್‌ನಲ್ಲಿ ತರಬೇತಿಯನ್ನೂ ಪಡೆದಿದ್ದಾರೆ. ಜುಲೈನಲ್ಲಿ ಈ ಚಿತ್ರ ಸೆಟ್ಟೇರಿಲಿದೆ. ಹೆಚ್ಚಿನ ಮಾಹಿತಿಗಾಗಿ ನಿರೀಕ್ಷಿಸಲಾಗಿದೆ. (ಏಜೆನ್ಸೀಸ್)