For Quick Alerts
    ALLOW NOTIFICATIONS  
    For Daily Alerts

    ನಾಯಕ ನಟನಾಗಿ ಆ ದಿನಗಳು ಬಚ್ಚನ್

    By Staff
    |
    'ಆ ದಿನಗಳು' ಚಿತ್ರವನ್ನು ನೋಡಿದವರು ಬಚ್ಚನ್ ಪಾತ್ರವನ್ನು ಮರೆತಿರಲ್ಲ. ಉದ್ದ ಕೂದಲು ಬಿಟ್ಟುಕೊಂಡು ಬಚ್ಚನ್ ಪಾತ್ರದಲ್ಲಿ ದೀಪಕ್ ಟಫ್ ಹುಡುಗನಾಗಿ ಕಾಣಿಸಿಕೊಂಡಿದ್ದರು.ಈಗವರು ನಾಯಕ ನಟರಾಗಿ ಬಡ್ತಿ ಪಡೆದಿದ್ದಾರೆ.

    ಸಿಕ್ಸರ್, ಮೊಗ್ಗಿನಮನಸು ಖ್ಯಾತಿಯ ಶಶಾಂಕ್ ತಮ್ಮ ಮುಂದಿನ ಚಿತ್ರಕ್ಕೆ ದೀಪಕ್ ರನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. 2009ರ ಫೆಬ್ರವರಿಯಲ್ಲಿ ಚಿತ್ರ ಸೆಟ್ಟೇರಲಿದೆ. ಇಕೆ ಪಿಕ್ಚರ್ಸ್ ಬ್ಯಾನರಿನಡಿ ಗಂಗಾಧರ್ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ದೀಪಕ್ ನ ಪೂರ್ಣ ಹೆಸರು ಆರ್ಯನ್ ದೀಪಕ್ ಎಂದು. ಈತ ಅಮೆರಿಕಾದಲ್ಲಿ ಅಭಿನಯ, ಮಾರ್ಷಲ್ ಆರ್ಟ್ಸ್, ಡ್ಯಾನ್ಸ್ ತರಬೇತಿಯನ್ನು ಪಡೆದ ಪ್ರತಿಭಾವಂತ.

    ನಿರ್ದೇಶಕ ಶಶಾಂಕ್ ತಮ್ಮ ಮೊಗ್ಗಿನ ಮನಸು ಚಿತ್ರದಲ್ಲೇ ದೀಪಕ್ ಅವರಿಗೆ ಅವಕಾಶ ಕೊಡಬೇಕಾಗಿತ್ತು. ಆದರೆ ಆ ಪಾತ್ರ ಅವರಿಗೆ ಅಷ್ಟಾಗಿ ಸರಿಹೊಂದುತ್ತಿರಲಿಲ್ಲ ಎಂಬ ಕಾರಣಕ್ಕೆ ಸುಮ್ಮನಾಗಿದ್ದರು. ಈಗ ಸಂಪೂರ್ಣ ಸಾಹಸ ಪ್ರಧಾನ ಚಿತ್ರದಲ್ಲಿ ದೀಪಕ್ ಗೆ ಅವಕಾಶ ಕೊಡುತ್ತಿದ್ದಾರೆ. ಈ ಚಿತ್ರದಲ್ಲೂ ಬಚ್ಚನ್ ಹೇರ್ ಸ್ಟೈಲ್ ಮುಂದುವರಿಯುತ್ತದೆ. ಆರ್ಯನ್ ದೀಪಕ್ ಎಂಬ ಹೆಸರನ್ನು ಕೊಂಚ ಮೊಟಕು ಮಾಡಿಕೊಂಡು ಬರೀ ಆರ್ಯನ್ ಎಂದು ಬದಲಿಸಿಕೊಳ್ಳಲಿದ್ದಾರೆ.

    ಅಂದಹಾಗೆ ಈ ಚಿತ್ರದ ನಾಯಕಿಗಾಗಿ ಹುಡುಕಾಟ ಶುರುವಾಗಿದೆ. ಬಾಲಿವುಡ್ ನ ಕಂಗನಾ ರಾಣಾವತ್ ಅವರನ್ನು ಕರೆತರುವ ಬಗ್ಗೆ ಮಾತುಕತೆ ನಡೆಯುತ್ತಿದೆ. ಚಿತ್ರಕ್ಕೆ ವಿ ಶ್ರೀಧರ್ ಸಂಗೀತ ಇರುತ್ತದೆ. ಉಳಿದ ಪಾತ್ರಧಾರಿಗಳ ಆಯ್ಕೆ ಪ್ರಕ್ರಿಯೆ ನಡೆಯುತ್ತಿದೆ.

    (ದಟ್ಸ್ ಕನ್ನಡ ಚಿತ್ರವಾರ್ತೆ)

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X