Don't Miss!
- News Bengaluru Heat: ಏ.25 ರಂದು ನಗರದಲ್ಲಿ ಅತ್ಯಧಿಕ ತಾಪಮಾನ: 12 ವರ್ಷಗಳ ದಾಖಲೆ ಉಡೀಸ್
- Lifestyle ದೇಹದಲ್ಲಿ ಈ ಬದಲಾವಣೆ ಆದರೆ ನಿಮ್ಮಲ್ಲಿ ವಿಟಮಿನ್ ಬಿ12 ಕೊರತೆಯಾಗಿದೆ ಎಂದರ್ಥ
- Sports IPL 2024: ಹೈದರಾಬಾದ್ ಅಂಗಳದಲ್ಲಿ ಗೆಲ್ಲುವುದೆ ಆರ್ಸಿಬಿ: ಟಾಸ್ ವರದಿ ಹೀಗಿದೆ
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತಮಿಳು 'ಮೈನಾ' ಹಿಡಿದ ಗೋಲ್ಡನ್ ಸ್ಟಾರ್ ಗಣೇಶ್
ಸದ್ಯಕ್ಕೆ ಗೋಲ್ಡನ್ ಸ್ಟಾರ್ ಗಣೇಶ್ ಸಖತ್ 'ಕೂಲಾ'ಗಿದ್ದಾರೆ. ಕಾರಣ ಅವರ ಸ್ವಂತ ನಿರ್ಮಾಣದ 'ಕೂಲ್... ಸಖತ್ ಹಾಟ್ ಮಗಾ' ಚಿತ್ರ ಇನ್ನೇನು ಬಿಡುಗಡೆಯಾಗಬೇಕಿದೆ. ಈ ಚಿತ್ರ ಹೊರತುಪಡಿಸಿದರೆ ಗಣೇಶ್ ಕೈಯಲ್ಲಿ ಯಾವುದೇ ಚಿತ್ರವಿಲ್ಲ. ಈಗವರು ತಮಿಳಿನ 'ಮೈನಾ' ಚಿತ್ರವನ್ನು ಕನ್ನಡಕ್ಕೆ ತರುತ್ತಿದ್ದಾರೆ. ಗಣೇಶ್ ಕೈಗೆತ್ತಿಕೊಂಡಿರುವ ಮತ್ತೊಂದು ರೀಮೇಕ್ ಚಿತ್ರವಿದು ಎಂದು ಬಿಡಿಸಿ ಹೇಳಬೇಕಾಗಿಲ್ಲ.
ಈ ಚಿತ್ರವನ್ನು ನಿರ್ಮಿಸುತ್ತಿರುವುದು ಗಂಡುಗಲಿ ಕೆ ಮಂಜು ಅರ್ಥಾತ್ ಕೊಬ್ಬರಿ ಮಂಜು. ತಮಿಳು 'ಮೈನಾ' ಚಿತ್ರಕ್ಕೆ ಆಕ್ಷನ್, ಕಟ್ ಹೇಳಿದ್ದ ಪ್ರಭು ಸೋಲೋಮನ್ ಕನ್ನಡ ಮೈನಾವನ್ನು ನಿರ್ದೇಶಿಸುತ್ತಿರುವುದು ವಿಶೇಷ. ಇನ್ನು ಮಂಜು ಕೈಯಲ್ಲಿ ಎರಡು ಚಿತ್ರಗಳಿವೆ, ಒಂದು 'ಹ್ಯಾಪಿ ಹಸ್ಬೆಂಡ್' ಹಾಗೂ ಮತ್ತೊಂದು 'ಶಿಕಾರಿ'. ಇದರ ಜೊತೆಗೆ ಈಗ ತಮಿಳಿನ ಮೈನಾವನ್ನು ಹಿಡಿದಿರುವುದು ವಿಶೇಷ.
ಈ ಚಿತ್ರದಲ್ಲಿ ಅಂಥಹದ್ದೇನಿದೆ ಎಂದರೆ, ಇದು ಕೂಡ ಒಂದು ಸೀದಾಸಾದಾ ಪ್ರೇಮಕತೆಯಷ್ಟೆ. ಈ ಹಿಂದೆ ಗಣೇಶ್ ಅಭಿನಯಿಸಿದ್ದ 'ಚೆಲುವಿನ ಚಿತ್ತಾರ', 'ಕೃಷ್ಣ' ಚಿತ್ರಗಳಂತೆ ಇಲ್ಲೂ ನವಿರಾದ ಪ್ರೇಮಕತೆಯಿದೆ. ಗಣೇಶ್ ಜೊತೆ ಕೆ ಮಂಜು ಈ ಹಿಂದೆ 'ಅರಮನೆ' ಚಿತ್ರವನ್ನು ನಿರ್ಮಿಸಿದ್ದರು. ಆ ಚಿತ್ರ ಶತಕ ಬಾರಿಸಿತ್ತು. 'ಮೈನಾ' ಚಿತ್ರದ ಮೇಲೂ ಕೆ ಮಂಜು ಅವರಿಗೆ ಅದೇ ವಿಶ್ವಾಸವಿದೆ.
ಕನ್ನಡ ಚಿತ್ರಗಳು : ಆರಿಸಿನೋಡು ಬೀಳಿಸಿನೋಡು
ನಿರ್ದೇಶಕ ಗುರುಪ್ರಸಾದ್ ಅವರ ಸಂಭಾಷಣೆ 'ಮೈನಾ' ಚಿತ್ರಕ್ಕಿದೆ. ಚಿತ್ರದ ನಾಯಕಿ ಸೇರಿದಂತೆ ಉಳಿದ ಪಾತ್ರವರ್ಗದ ಆಯ್ಕೆ ಇನ್ನಷ್ಟೆ ನಡೆಯಬೇಕಿದೆ. 'ಮೈನಾ' ಚಿತ್ರದ ರೀಮೇಕ್ ಹಕ್ಕುಗಳಿಗೆ ನಿರ್ದೇಶಕ ಪ್ರೇಮ್, ಇಂದ್ರಜಿತ್ ಸೇರಿದಂತೆ ನಿರ್ಮಾಪಕರಾದ ಕೆಸಿಎನ್ ಕುಮಾರ್ ಮತ್ತು ದಿನಕರ್ ಪ್ರಯತ್ನಿಸಿದ್ದರು. ಆದರೆ ಕಡೆಗೆ ರೀಮೇಕ್ ಹಕ್ಕುಗಳು ಕೆ ಮಂಜು ಪಾಲಾಗಿವೆ. [ಗಣೇಶ್]