ಗುರುದತ್ ಗೆ ಕೈ ಎತ್ತಿ 'ಜೈ' ಎಂದ ಜಗ ಮೆಚ್ಚಿದ ಮಗ

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಸಾಲುಸಾಲು ಚತ್ರಗಳಲ್ಲಿ ನಟಿಸುತ್ತಿದ್ದಾರೆ. ಸದ್ಯಕ್ಕೆ 'ಶಿವ' ಶೂಟಿಂಗ್ ಮುಕ್ತಾಯ ಹಂತದಲ್ಲಿದೆ. ಅಂದರ್ ಬಾಹರ್, ಒಗ್ಗಟ್ಟು, ಲಕ್ಷ್ಮೀ, ವರದ ಹೀಗೆ ಸಾಲು ಸಾಲು ಚಿತ್ರಗಳು ಶಿವಣ್ಣನ ಕೈಯಲ್ಲಿವೆ. ಇದೀಗ ಈ ಸಾಲಿಗೆ ಹೊಸ ಚಿತ್ರ ಆಗಮನವಾಗಿದೆ.

ಹೌದು, ಕನ್ನಡ ಚಿತ್ರರಂಗದ ದಿವಂಗತ ಖ್ಯಾತ ಗೀತಸಾಹಿತಿ ಚಿ. ಉದಯಶಂಕರ್ ಮಗ ಗುರುದತ್, ಶಿವಣ್ಣನಿಗಾಗಿ ಚಿತ್ರವೊಂದನ್ನು ನಿರ್ದೇಶಿಸಲಿದ್ದಾರೆ. ಒಂದೇ ಕಾಲದಲ್ಲಿ ಈ ಇಬ್ಬರೂ ಚಿತ್ರರಂಗಕ್ಕೆ ಬಂದವರು. ಸಾಕಷ್ಟು ಚಿತ್ರಗಳಲ್ಲಿ ಜೊತೆಯಾಗಿ ನಟಿಸಿದವರೂ ಕೂಡ.

ಈ ಮೊದಲು ದತ್ತ, ಕಾಮಣ್ಣನ ಮಕ್ಕಳು, ಕಿಚ್ಚ-ಹುಚ್ಚ ಚಿತ್ರಗಳನ್ನು ನಿರ್ದೇಶಿಸಿದ್ದ ಗುರುದತ್ ಈಗ ಶಿವಣ್ಣನ ಚಿತ್ರ ನಿರ್ದೇಶಿಸಲು ಹೊರಟಿದ್ದಾರೆ. ಕೇಳಿದ ತಕ್ಷಣ ಶಿವಣ್ಣ ಕಾಲ್ ಶೀಟ್ ಕೊಟ್ಟಿದ್ದರಿಂದ ಸಹಜವಾಗಿಯೇ ಸಖತ್ ಖುಷಿಯಾಗಿದ್ದಾರೆ. ಚಿತ್ರದ ಬಗ್ಗೆ ಸದ್ಯಕ್ಕಿರುವುದು ಇಷ್ಟೇ ಮಾಹಿತಿ. (ಒನ್ ಇಂಡಿಯಾ ಕನ್ನಡ)