ಮಂಗಳೂರಿನಲ್ಲಿ ರಾಧಿಕಾ, ಅನುಷ್ಕಾ ಶೆಟ್ಟಿ ಭೇಟಿ ಯಾಕೆ?

ಕನ್ನಡ ಚಿತ್ರರಂಗದ ಮಾಜಿ ನಾಯಕಿ ನಟಿ ರಾಧಿಕಾ ಹಾಗೂ ಅನುಷ್ಕಾ ಶೆಟ್ಟಿ ಮಂಗಳೂರಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಇಂದು ಖ್ಯಾತ ದೇವಾಲಯವೊಂದರಲ್ಲಿ ಕಾಣಿಸಿಕೊಂಡು ಅಭಿಮಾನಿಗಳಲ್ಲಿ ಪುಳಕ ಮೂಡಿಸಿರುವ ಈ ನಟಿಮಣಿಯರು ದೇವರ ದರ್ಶನ ಮಾಡಿ ಪ್ರದಕ್ಷಿಣೆ ಮಾಡುತ್ತಿದ್ದರು. ಆದರೆ ಅಲ್ಲಿ ದೇವರ ದರ್ಶನಕ್ಕಾಗಿ ಬಂದಿದ್ದ ಭಕ್ತರಿಗೆ ಈ ಇಬ್ಬರ ದರ್ಶನವೂ ಆದಂತಾಯಿತು.

ಅನುಷ್ಕಾ ಹಾಗೂ ರಾಧಿಕಾ ಈ ಇಬ್ಬರ ಹುಟ್ಟೂರೂ ಮಂಗಳೂರು. ಅಲ್ಲಿ ಹುಟ್ಟಿ ಬೆಳೆದ ಇಬ್ಬರಿಗೂ ಮಂಗಳೂರಿನ ಕಡೆ ಆಗಾಗ ಹೋಗುವ ಅಭ್ಯಾಸವಿದೆ. ರಾಧಿಕಾರಂತೂ ರೆಗ್ಯಲರ್ ಆಗಿ ಪುತ್ತೂರಿಗೆ ಭೇಟಿ ನೀಡುತ್ತಾರೆ. ಅದರಂತೆ ಇಂದೂ ಕೂಡ ಇವರುಗಳು ದೇವರ ದರ್ಶನಕ್ಕಾಗಿ ಹೋಗಿದ್ದಾರೆ. ಅಲ್ಲಿ ಆಕಸ್ಮಿಕವಾಗಿ ಭೇಟಿಯಾಗಿದ್ದಾರೆ ಅಷ್ಟೇ.

ಅನುಷ್ಕಾ ಶೆಟ್ಟಿ ತೆಲುಗಿನಲ್ಲಿ ಅರುಂಧತಿ ಚಿತ್ರದ ಮೂಲಕ ಫೇಮಸ್ ಆಗಿ ಈಗ 'ಆಲ್ ಇಂಡಿಯಾ' ಖ್ಯಾತಿ ಗಳಿಸಿದವರು. ಸದ್ಯದಲ್ಲೇ ಕನ್ನಡ ಚಿತ್ರದಲ್ಲೂ ನಟಿಸಲಿದ್ದಾರೆಂಬ ಸುದ್ದಿ ಇದೆ. ಬ್ರೇಕಿಂಗ್ ನ್ಯೂಸ್ ಅಂದರೆ ಅನುಷ್ಕಾ ಮನೆಯನ್ನು ಹೈದ್ರಾಬಾದ್ ನಿಂದ ಚೆನ್ನೈಗೆ ಶಿಪ್ಟ್ ಮಾಡುತ್ತಿದ್ದಾರೆ. ತಮಿಳು ಸಿನಿಮಾದತ್ತ ಆಕರ್ಷಿತರಾಗಿದ್ದಾರೆ ಅನಷ್ಕಾ. (ಒನ್ ಇಂಡಿಯಾ ಕನ್ನಡ)