Don't Miss!
- Technology Motorola: ಮೊಟೊರೊಲಾ ಎಡ್ಜ್ 50 ಅಲ್ಟ್ರಾ ಸ್ಮಾರ್ಟ್ಫೋನ್ ಫೀಚರ್ಸ್ ಲೀಕ್! ವಿಶೇಷತೆ ಏನು?
- Automobiles Tata Curvv Vs Citroen Basalt: ಟಾಟಾಗೆ ಸೆಡ್ಡು ಹೊಡೆಯುವ ತಾಕತ್ತಿದೆಯೇ?
- Lifestyle ನರಿ ಮತ್ತು ಕೋಳಿಗೂ ಮೂರ್ಖರ ದಿನಕ್ಕೂ ಇದೆ ನಂಟು..! ಏನದು.?
- News RBI: ಬ್ಯಾಂಕ್ ಕೆಲಸ ಮುಗಿದಿಲ್ವಾ? ಭಯ ಬೇಡ ಮಾರ್ಚ್ 30, 31ಕ್ಕೂ ಓಪನ್ ಇರುತ್ತೆ ಆರ್ಬಿಐ ಕಚೇರಿಗಳು!
- Finance ಮೊದಲ ಬಾರಿಗೆ ಅಂಬಾನಿ ಅದಾನಿ ಸೇರಿ ವ್ಯಾಪಾರ ಒಪ್ಪಂದ, ಇಲ್ಲಿದೆ ಒಪ್ಪಂದ ವಿವರ
- Sports IPL 2024: ವಿರಾಟ್ ಕೊಹ್ಲಿ ಕೆಕೆಆರ್ ಡಗೌಟ್ ನೋಡಿದ್ರೆ ಉರಿದು ಬೀಳ್ತಾರೆ; ಆರ್ಸಿಬಿ ಮಾಜಿ ಕ್ರಿಕೆಟಿಗ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ದರ್ಶನ್ ಜಾಗ್ವಾರ್ ಕಾರಿನಲ್ಲಿ ಏನುಂಟು, ಏನಿಲ್ಲ
ಚಾಲೆಂಜಿಂಗ್ ಸ್ಟಾರ್ ಕಳೆದ ವಾರ (ಫೆಬ್ರವರಿ 16, 2012) ತಮ್ಮ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದು ಎಲ್ಲರಿಗೂ ಗೊತ್ತಿದೆ. ಅಂದು ಅವರ ಪತ್ನಿ ವಿಜಯಲಕ್ಷ್ಮೀ, ಜಾಗ್ವಾರ್ XJR ಕಾರನ್ನು ಪತಿ ದರ್ಶನ್ ಅವರಿಗೆ ಉಡುಗೊರೆ ನೀಡಿದ್ದಾರೆ. ಈ ಸಮಾಚಾರ ಕೂಡ ಯಾರಿಗೂ ಹೊಸತಲ್ಲ. ಈ ಕಾರಿನ ಬೆಲೆ ರು. 1.80 ಕೋಟಿ ಎನ್ನಲಾಗಿದೆ. ಆದರೆ ಆ ಕಾರಿನಲ್ಲಿ ಏನೇನು ಸೌಲಭ್ಯಗಳಿವೆ ? ಡೋರ್ ತೆಗೆದು ಒಳಗೆ ಬನ್ನಿ..
ದಟ್ಟ ನೀಲಿ ಬಣ್ಣದ ಈ ಕಾರು ಎಕ್ಸ್ ಜೆ ಆರ್ ಮಾಡೆಲ್ ಆಗಿದ್ದು, ಬಲು ಆಕರ್ಷಣೀಯ ರೂಪ ಹೊಂದಿದೆ. ವಿ 8 ಪೆಟ್ರೋಲ್ ಎಂಜಿನ್ ಹೊಂದಿರುವ ಈ ಕಾರು, 4,200 ಸಿಸಿ ಸಾಮರ್ಥ್ಯ ಹೊಂದಿದೆ. 400 ಹಾರ್ಸ್ ಹಾಗೂ 560 ಎನ್ ಎಂ ಟಾರ್ಕ್ ಪವರ್ ನೀಡುತ್ತದೆ. ಸ್ಪೋರ್ಟ್ ಕಾರುಗಳಲ್ಲಿಯೇ ಅತಿ ಹೆಚ್ಚು ಸಾಮರ್ಥ್ಯ ಹೊಂದಿರುವ ಕಾರು ಎಂಬುದು ಇದರ ಹೆಗ್ಗಳಿಕೆ.
ನಾಲ್ಕು ಬಾಗಿಲಿನ ಈ ಕಾರಿಗೆ ಉತ್ತಮ ಗುಣಮಟ್ಟದ ಸೀಟು ಹಾಗೂ ಇಂಟೀರಿಯರ್ ವಿನ್ಯಾಸವಿದೆ. 12.3 ಇಂಚಿನ ಗ್ಲಾಸ್ ಸ್ಕ್ರೀನ್ ಹೊಂದಿದ್ದು ಉತ್ತಮ ಗ್ಯಾಡ್ಜೆಟ್ ಸಾಧನ ಅಳವಡಿಸಲಾಗಿದೆ. ಆಡಿಯೋ ಸಿಸ್ಟಮ್, ಟಚ್ ಸ್ಕ್ರೀನ್ ಹೊಂದಿರುವ ಹೈ ಡೆಫನಿಷನ್ ಟೆಲಿಫೋನ್ ಇದರಲ್ಲಿದೆ. ಪಾರ್ಕಿಂಗ್ ಸೆನ್ಸರ್, ಏರ್ ಬ್ಯಾಗ್, ಕ್ರೂಷ್ ಕಂಟ್ರೋಲ್ ಹಾಗೂ ಅಡ್ವಾನ್ಸ್ಡ್ ಬ್ರೇಕಿಂಗ್ ಸಿಸ್ಟಮ್ ಹೊಂದಿದೆ.
ಈ ಜಾಗ್ವಾರ್ ಹೊಸ ಕಾರು ಬರುವುದಕ್ಕಿಂತ ಮೊದಲು ದರ್ಶನ್ ಅವರಲ್ಲಿ, ದುಬೈನಿಂದ ಆಮದಾಗಿರುವ ಹಮ್ಮರ್ ಎಚ್3, ಆಡಿ ಎ6, ಟೊಯೊಟಾ ಫಾರ್ಚೂನರ್ ಕಾರುಗಳಿದ್ದವು. ಈಗ ಜಾಗ್ವಾರ್ ನಲ್ಲಿ ದರ್ಶನ್ ಜಾಲಿ ರೈಡ್ ಮಾಡುತ್ತಿದ್ದಾರೆ. ಪಕ್ಕದಲ್ಲಿ ಕುಳಿತು ವಿಜಯಲಕ್ಷ್ಮಿ ವಿಜಯದ ನಗೆ ಬೀರುತ್ತಿದ್ದಾರೆ.