ಇಬ್ಬರು ಹೆಂಡಿರು ಒಪ್ಪಿದರೆ ಮೂರನೇ ಮದುವೆಗೆ ರೆಡಿ

ಆರೋಗ್ಯದ ವಿಚಾರದಲ್ಲಿ ನಾನು ಅದೃಷ್ಣವಂತ. ಇನ್ನೂ ನಳನಳಿಸುವ ಯುವಕನಂತಿದ್ದೇನೆ. ನಿಜ ಹೇಳಬೇಕೆಂದರೆ ಇಬ್ಬರು ಹೆಂಡಿರು ಒಪ್ಪಿದರೆ ಮತ್ತೊಂದು ಮದುವೆ ಮಾಡಿಕೊಳ್ಳಲೂ ನಾನು ಸಿದ್ಧ...ಎಂದು ಹೇಳುತ್ತಾ ಜೋರಾಗಿ ನಕ್ಕರು ದ್ವಾರಕೀಶ್.

ಕುತೂಹಲ ತಡೆಯಲಾರದೆ ನಾನು ಪ್ರಶ್ನಿಸಿದೆ: "ನಿಮ್ಮ ಎರಡನೇ ಹೆಂಡತಿಯ ಲವ್ ಎಪಿಸೋಡ್ ಬಗ್ಗೆ ಎಲ್ಲೂ ಹೇಳಿಕೊಂಡಿಲ್ಲ. ಎಲ್ಲವನ್ನೂ ಹೇಳಿಕೊಳ್ಳುವ ನೀವು ಇದನ್ನು ಮಾತ್ರ ಏಕೆ ಗುಟ್ಟಾಗಿಟ್ಟಿದ್ದೀರಿ?"-ಮತ್ತೆ ನಕ್ಕರು ದ್ವಾರಕೀಶ್. ಪ್ರೆಸ್‌ಕ್ಲಬ್‌ನ ತಂಪಾದ ಹವೆ ಕಚಗುಳಿಯಿಡುತ್ತಿತ್ತು. ಆರ್ಡರ್ ಮಾಡಿದ ಪೂರಿಯನ್ನು ಮುರಿದು ಚಟ್ನಿಗೆ ಅದ್ದಿ ಬಾಯಿಗಿಡುತ್ತಾ ದ್ವಾರಕೀಶ್ ಹೇಳಿದರು.