For Quick Alerts
    ALLOW NOTIFICATIONS  
    For Daily Alerts

    ಗಾಂಧಿನಗರದ ಹೈವೇಗೆ ಮತ್ತೆ ಮರಳಿದ ಪ್ರಕಾಶ್ ರೈ

    By Rajendra
    |

    ನಟ, ನಿರ್ಮಾಪಕ ಮತ್ತು ನಿರ್ದೇಶಕನ ಪ್ರಕಾಶ್ ರೈ ಮತ್ತೆ ಗಾಂಧಿನಗರದ ಹೈವೇಗೆ ಮರಳಿದ್ದಾರೆ. ಅಂದರೆ ಕನ್ನಡ ಚಿತ್ರವೊಂದನ್ನು ಸ್ವತಃ ಪ್ರಕಾಶ್ ರೈ ನಿರ್ಮಿಸಲಿದ್ದಾರೆ. ಚಿತ್ರದ ನಾಯಕ ನಟ ಅವರೇ ಆದರೂ ನಿರ್ದೇಶನದ ಹೊಣೆಯನ್ನು ಬಿ ಸುರೇಶ್ ಹೆಗೆಲಿಗೆ ಹೊರಿಸಿದ್ದಾರೆ.

    ಡ್ಯುಯೇಟ್ ಮೂವೀಸ್ ಮತ್ತು ಮೀಡಿಯಾ ಹೌಸ್ ಬ್ಯಾನರಿನಡಿ ತಯಾರಾಗುತ್ತಿರುವ ಈ ಚಿತ್ರಕ್ಕೆ 'ಪುಟ್ಟಕ್ಕನ ಹೈವೇ' ಎಂದು ಹೆಸರಿಡಲಾಗಿದೆ. ಶೈಲಜಾ ನಾಗ್, ಬಿ ಸುರೇಶ್ ಮತ್ತು ಪ್ರಕಾಶ್ ರೈ ಜಂಟಿಯಾಗಿ ನಿರ್ಮಿಸುತ್ತಿರುವ ಚಿತ್ರವಿದು. ನಾಗತಿಹಳ್ಳಿ ಚಂದ್ರಶೇಖರ್ ಅವರ 'ಪುಟ್ಟಕ್ಕನ ಮೆಡಿಕಲ್ ಕಾಲೇಜ್' ಎಂಬ ಕಥೆಯನ್ನು ಆಧರಿಸಿ ಚಿತ್ರವನ್ನು ತೆರೆಗೆ ತರಲಾಗುತ್ತಿದೆ.

    ಚಿತ್ರದ ನಾಯಕಿ ಶ್ರುತಿ. ಅಚ್ಯುತ್, ರಾಜೇಶ್ ನಟರಂಗ, ವೀಣಾ ಸುಂದರ್, ಸಿಹಿಕಹಿ ಚಂದ್ರು ಸೇರಿದಂತೆ ಬಹುತೇಕ 'ನಾನು ನನ್ನಕನಸು' ತಂಡ ಇರುತ್ತದೆ. ಹಂಸಲೇಖ ಅವರ ಸಂಗೀತ, ಜೋನಿ ಹರ್ಷ ಅವರ ಸಂಕಲನ, ಎಚ್ ಎಂ ರಾಮಚಂದ್ರ ಅವರ ಛಾಯಾಗ್ರಹಣ ಚಿತ್ರಕ್ಕಿದೆ.

    ಪುಟ್ಟಕ್ಕನ ಹೈವೇ ಚಿತ್ರಕ್ಕಾಗಿ ಯೋಗರಾಜ್ ಭಟ್ ಮೂರು ಹಾಡುಗಳನ್ನು ರಚಿಸಿದ್ದಾರೆ. ಉಳಿದ ಎರಡು ಹಾಡುಗಳು ಹಂಸಲೇಖ ಅವರ ಲೇಖನಿಯಿಂದ ಹೊರಹೊಮ್ಮಿವೆ. ಅಕ್ಟೋಬರ್ 27ರಿಂದ ಚಿತ್ರೀಕರಣ ಆರಂಭವಾಗಲಿದೆ. ಬೆಂಗಳೂರು, ರಾಣೇಬೆನ್ನೂರು, ಮೈಸೂರು, ಕೆ ಆರ್ ಪೇಟೆ, ಮೇಲುಕೋಟೆ ಸಮೀಪದ ಹಳ್ಳಿಯೊಂದರಲ್ಲಿ ಚಿತ್ರೀಕರಣ ನಡೆಯಲಿದೆ. ಜನವರಿ ಅಥವಾ ಫೆಬ್ರವರಿ ಮೊದಲ ವಾರದಲ್ಲಿ ಚಿತ್ರವನ್ನು ಬಿಡುಗಡೆ ಮಾಡಲು ಯೋಜಿಸಲಾಗಿದೆ.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X