ಮುಖಪುಟ

ಸಿನಿ ಸಮಾಚಾರ

ದಿನ ಬೆಳಗಾಗುವಷ್ಟರಲ್ಲಿ ಮಾರುಕಟ್ಟೆಗೆ ನಾನಾ ನಮೂನೆಯ ಸೌಂದರ್ಯ ಸಾಬೂನು ದಾಂಗುಡಿಯಿಡುತ್ತಿವೆ. ಈ ಹೊಸ ಹೊಸ ಬ್ರಾಂಡ್‌ಗಳಿಂದ ಹಳೆ ಬ್ರಾಂಡ್‌ಗಳ ಮಾರಾಟಕ್ಕೆ ಕೊಂಚ ಹೊಡೆತ ಬೀಳುತ್ತದೆ. ಕೆಲವು ಬ್ರಾಂಡ್‌ಗಳು ಯಾವುದೇ ಹೊಡೆತಕ್ಕೂ ಬಗ್ಗಲ್ಲ ಜಗ್ಗಲ್ಲ. ಕೆಲವಂತೂ ನಾಮಾವಶೇಷವಾಗುವ ಹಂತ ತಲುಪಿವೆ.

ಈ ರೀತಿ ಹೊಡೆತಗಳ ಮೇಲೆ ಹೊಡೆತ ತಿಂದ ಸಾಬೂನು ಚಂದ್ರಿಕಾ. ಈ ಹಿಂದೆ ಇದಕ್ಕೆ ಚಂದ್ರಿಕಾ ಆಯುರ್ವೇದಿಕ್ ಸೋಪು ಎಂದು ಕರೆಯಲಾಗುತ್ತ್ತಿತ್ತು. ವಿಪ್ರೋ ತಯಾರಿಸುತ್ತಿರುವ ಈ ಸೋಫು ತೀವ್ರ ಸ್ಪರ್ಧೆಯನ್ನು ಎದುರಿಸಲಾಗದೆ ಅಂತಿಮ ದಿನಗಳನ್ನು ಎಣಿಸುತ್ತಿದೆ. ಹೇಗಾದರೂ ಮಾಡಿ ಈ ಸೋಪಿಗೆ ಮತ್ತೆ ಜೀವ ತರಲು ಕಂಪನಿ ನಿರ್ಧರಿಸಿದೆ.ಹೊಸ ಮಾರುಕಟ್ಟೆ ತಂತ್ರವನ್ನು ಅನುಸರಿಸಿ ಚಂದ್ರಿಕಾ ಸೋಪಿನ ಪರಿಮಳವನ್ನು ಮತ್ತಷ್ಟು ವಿಸ್ತರಿಸಲು ಮುಂದಾಗಿದೆ.

ಸದ್ಯಕ್ಕೆ ದಕ್ಷಿಣ ಭಾರತದಲ್ಲಿ ಮಿಂಚುತ್ತಿರುವ ತಮನ್ನಾ ಭಾಟಿಯಾರನ್ನು ತಮ್ಮ ಉತ್ಪನ್ನದ ರಾಯಭಾರಿಯಾಗಿ ಪರಿಚಯಿಸಲು ಕಂಪನಿ ನಿರ್ಧರಿಸಿದೆ. ಶೀಘ್ರದಲ್ಲೆ ಕಿರುತೆರೆಯಲ್ಲಿ ಚಂದ್ರಿಕಾ ತರುವುದು ಹೊಸ ಉಲ್ಲಾಸ... ಎಂದು ತಮನ್ನಾ ನಗೆಬೀರಲಿದ್ದಾರೆ. ಈ ಚಂದ್ರ ಚಕೋರಿಯ ಆಗಮನದಿಂದಾದರೂ ಚಂದ್ರಿಕಾ ಸೋಪಿನ ಮಾರಾಟದಲ್ಲಿ ಚೇತರಿಕೆ ಕಂಡುಬರುತ್ತದೋ ಏನೋ. (ಏಜೆನ್ಸೀಸ್)