ಮುಖಪುಟ

ಸಿನಿ ಸಮಾಚಾರ

ಮುಂಬಯಿ : ಖ್ಯಾತ ಲೇಖಕ ಅರ್‌.ಕೆ. ನಾರಾಯಣ್‌ ಅವರ 'ಮಾಲ್ಗುಡಿ ಡೇಸ್‌" ಕೃತಿಯನ್ನು ಅಂದು ಕಿರುತೆರೆಗೆ ಶಂಕರ್‌ನಾಗ್‌ ಅಳವಡಿಸಿದ್ದು ಎಲ್ಲರಿಗೂ ಗೊತ್ತು. ಇಂದು ಅಂತರ್ಜಾಲದಲ್ಲಿ 'ಮಾಲ್ಗುಡಿ ಡೇಸ್‌" ಲಭ್ಯ.

ಅಂತರ್ಜಾಲ ತಾಣದ ಮೂಲಕ ಸಿನಿಮಾ ಹಾಗೂ ಧಾರಾವಾಹಿಗಳನ್ನು ವೀಕ್ಷಕರಿಗೆ ನೀಡಲು ಮುಂದಾಗಿರುವ ರಾಜಶ್ರೀ ಸಂಸ್ಥೆ , ಈಗ ಮಾಲ್ಗುಡಿ ಡೇಸ್‌ ಹಾಗೂ ಶಾರುಖ್‌ ಖಾನ್‌ ಅಭಿನಯದ 'ಫೌಜಿ" ಧಾರಾವಾಹಿಯನ್ನು ಅಂತರ್ಜಾಲದಲ್ಲಿ ಒದಗಿಸುತ್ತಿದೆ.

ವಿವಿಧ ಕಂತುಗಳಲ್ಲಿ ಪ್ರಸಾರವಾಗುವ ಈ ಧಾರಾವಾಹಿಗಳನ್ನು ನೋಡಲು ಕನಿಷ್ಠವೆಂದರೂ 90 ರೂ. ಪಾವತಿಸಬೇಕು. ಹಣ ಪಾವತಿ ಮಾಡಿ ಅಂದಿನ ಭಾಗವನ್ನು ಡೌನ್‌ ಲೋಡ್‌ ಮಾಡಿಕೊಳ್ಳಬಹುದು. ಈ ಹಿಂದೆ ಮಹಾಭಾರತ ಧಾರಾವಾಹಿಯನ್ನು ಈ ರೀತಿ ನೀಡಿ, ರಾಜಶ್ರೀ ಸಂಸ್ಥೆ ಯಶಸ್ಸು ಪಡೆದಿತ್ತು.
(ಏಜನ್ಸೀಸ್‌)