Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
‘ಗೋಲ್ಡೀ’ ವಿಜಯ್ ಆನಂದ್ ನಿಧನ
ಮುಂಬಯಿ : ಹಿಂದಿ ಚಿತ್ರರಂಗದಲ್ಲಿ 'ಗೋಲ್ಡೀ" ಎಂದು ಜನಪ್ರಿಯರಾಗಿದ್ದ ಹಿರಿಯ ನಿರ್ದೇಶಕ ಹಾಗೂ ನಟ ವಿಜಯ್ ಆನಂದ್ ಫೆ.23ರ ಸೋಮವಾರ ಬೆಳಗ್ಗೆ ನಿಧನರಾದರು. ಅವರಿಗೆ 71 ವರ್ಷ ವಯಸ್ಸಾಗಿತ್ತು . ಫಾಲ್ಕೆ ಪ್ರಶಸ್ತಿ ವಿಜೇತ ದೇವಾನಂದ್, ವಿಜಯ್ ಆನಂದ್ರ ಸೋದರ.
ಶನಿವಾರ ಹೃದಯಾಘಾತಕ್ಕೆ ತುತ್ತಾಗಿದ್ದ ವಿಜಯ್ ಆನಂದ್ ಮುಂಬಯಿಯ ಲೀಲಾವತಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಹೃದಯಬೇನೆಯಿಂದ ಚೇತರಿಸಿಕೊಳ್ಳಲು ಸಾಧ್ಯವಾಗದ ಅವರು, ಸೋಮವಾರ ಬೆಳಗ್ಗೆ 6ರ ಸುಮಾರಿಗೆ ನಿಧನ ಹೊಂದಿದರು ಎಂದು ಆಸ್ಪತ್ರೆಯ ಮೂಲಗಳು ತಿಳಿಸಿವೆ. ಪತ್ನಿ ಸುಷ್ಮಾ ಮತ್ತು ಪುತ್ರ ವೈಭವ್ರನ್ನು ವಿಜಯ್ ಅಗಲಿದ್ದಾರೆ.
'ಜಾನಿ ಮೇರಾ ನಾಮ್" ಮತ್ತು 'ಜ್ಯುವೆಲ್ ಥೀಫ್" ಚಿತ್ರಗಳು ವಿಜಯ್ ಆನಂದ್ಗೆ ನಿರ್ದೇಶಕರಾಗಿ ಪ್ರಚಂಡ ಜನಪ್ರಿಯತೆ ತಂದುಕೊಟ್ಟಿದ್ದವು. ಅವರ ನಟನೆಯ 'ಹಕೀಕತ್", 'ಕಲಾ ಬಜಾರ್" ಚಿತ್ರಗಳು ಜನರ ಮೆಚ್ಚುಗೆ ಗಳಿಸಿದ್ದವು.
'ನೌ ದೋ ಗ್ಯಾರಹ್" ಚಿತ್ರದ ಮೂಲಕ ವೃತ್ತಿ ಜೀವನ ಶುರು ಮಾಡಿದ ವಿಜಯ್ ಆನಂದ್ ನಂತರದ ದಿನಗಳಲ್ಲಿ ನಿರ್ದೇಶಕರಾಗಿಯೂ ಮನ್ನಣೆ ಗಳಿಸಿದ್ದರು. 'ಕಲಾ ಬಜಾರ್", 'ತೇರೆ ಘರ್ ಕೇ ಸಾಮ್ನೆ", 'ಗೈಡ್", 'ತೀಸ್ರಿ ಮಂರಿkುಲ್", 'ಜ್ಯುವೆಲ್ ಥೀಫ್", 'ಕಹಿನ್ ಔರ್ ಚಲ್" , 'ಜಾನಿ ಮೇರೆ ನಾಮ್", 'ತೇರೆ ಮೇರೆ ಸಪ್ನೆ" , 'ಬ್ಲಾಕ್ಮೇಲ್", 'ಬುಲೆಟ್", 'ರಾಂ ಬಲರಾಂ", 'ರಜಪೂತ್", 'ಚುಪ್ಪಾ ರುಸ್ತುಂ" ಹಾಗೂ 'ಷರೀಫ್ ಬದ್ಮಾಷ್" ವಿಜಯ್ ಆನಂದ್ರ ನಿರ್ದೇಶನದ ಚಿತ್ರಗಳಲ್ಲಿ ಸೇರಿವೆ.
ವಿಜಯ್ ನಿರ್ದೇಶನದ 'ಜಾನಿ ಮೇರೆ ನಾಮ್" ಬಾಲಿವುಡ್ನ ಸಾರ್ವಕಾಲಿಕ ಯಶಸ್ವಿ ಚಿತ್ರಗಳಲ್ಲಿ ಒಂದೆನಿಸಿದೆ. ಅವರ ಇತ್ತೀಚಿನ ಚಿತ್ರ 'ಜನಾ ನ ದಿಲ್ ಸೆ ದೂರ್" ಚಿತ್ರ ಇನ್ನೂ ತೆರೆ ಕಾಣಬೇಕಾಗಿದೆ.
ಕಿರುತೆರೆಯಲ್ಲೂ ಆಸಕ್ತಿ ಹೊಂದಿದ್ದ ವಿಜಯ್ ಆನಂದ್, 'ಲಮ್ಹಾಸ್" ಎನ್ನುವ ಚಾನಲ್ ಆರಂಭಿಸಲು ಉದ್ದೇಶಿಸಿದ್ದರು.
(ಏಜನ್ಸೀಸ್)
ಮುಖಪುಟ / ಸ್ಯಾಂಡಲ್ವುಡ್