»   » ದೀಪಾವಳಿ ಪಟಾಕಿ ‘ಒಂದಾಗೋಣ ಬಾ’

ದೀಪಾವಳಿ ಪಟಾಕಿ ‘ಒಂದಾಗೋಣ ಬಾ’

Subscribe to Filmibeat Kannada

*ದಟ್ಸ್‌ಕನ್ನಡ ಬ್ಯೂರೋ

ಸಾಮಾನ್ಯವಾಗಿ ಸಂಕ್ರಾಂತಿ ಹಬ್ಬದ ಸಂದರ್ಭದಲ್ಲಿ ರವಿಚಂದ್ರನ್‌ ಸದ್ದು ಮಾಡುವ ನಾಯಕರಾಗಿದ್ದರು. ಆದರೀಗ, ದೀಪಾವಳಿಯಲ್ಲಿ ಅವರ ನಟನೆಯ ಚಿತ್ರ ಪಟಾಕಿ ಹೊಡೆಯಲು ಬರುತ್ತಿದೆ. ಚಿತ್ರದ ಹೆಸರು ‘ಒಂದಾಗೋಣ ಬಾ’.

ಈ ಚಿತ್ರ ಸಾಕಷ್ಟು ಕಾರಣಗಳಿಂದ ನಿರೀಕ್ಷೆ ಹುಟ್ಟಿಸಿದೆ. ಅವನ್ನು ಪಟ್ಟಿ ಮಾಡಬಹುದಾದರೆ-

  • ಕಳಚಿದ್ದ ಹಂಸಲೇಖ- ರವಿಚಂದ್ರನ್‌ ಕೊಂಡಿ ಈ ಚಿತ್ರದ ಮೂಲಕ ಮತ್ತೆ ಕೂಡಿಕೊಂಡಿದೆ. ನಿರ್ಮಾಪಕ ರಾಕ್‌ಲೈನ್‌ಗೆ ಧನ್ಯವಾದಗಳು.
  • ರವಿ- ಹಂಸ್‌ ಜೋಡಿಯ ಕೊನೆ ಚಿತ್ರ ‘ಪ್ರೀತ್ಸೋದ್‌ ತಪ್ಪಾ’ ಕೂಡ ‘ಒಂದಾಗೋಣ ಬಾ’ದಂತೆಯೇ ರೀಮೇಕು. ಅದು ಆಗ ಗಲ್ಲಾ ಪೆಟ್ಟಿಗೆಯ ತುಂಬಿಸಿಕೊಂಡಿತ್ತು. ಈಗಲೂ ಅದಾಗುತ್ತದಾ?
  • ‘ಪ್ರೀತ್ಸೋದ್‌ ತಪ್ಪಾ’ ಚಿತ್ರದಲ್ಲಿ ರವಿ ಜೊತೆ ಶಿಲ್ಪಾ ಶೆಟ್ಟಿ ಜೋಡಿಯಾಗಿದ್ದಳು. ‘ಒಂದಾಗೋಣ ಬಾ’ ಜೋಡಿಯೂ ಇದೇ ಆಗಿರುವುದು ಚಿತ್ರದ ಸೆಳಕುಗಳಲ್ಲಿ ಒಂದು.
  • ಸೋಮಯಾಜುಲು, ಕೆ.ಆರ್‌.ವಿಜಯಾ, ಚಿತ್ರಾ ಶೆಣೈ, ವನಿತಾ ವಾಸು, ಶಿವಕುಮಾರ್‌, ಚರಣ್‌ ರಾಜ್‌, ದೊಡ್ಡಣ್ಣ, ಪ್ರಮಿಳಾ ಜೋಷಾಯ್‌, ತಾರಾ, ರೇಖಾ, ಶಿವರಾಂ, ಪವಿತ್ರಾ ಲೋಕೇಶ್‌- ಹೀಗೆ ಇದು ದೊಡ್ಡ ತಾರಾಬಳಗದ ಚಿತ್ರ.
  • ಸ್ವಿಟ್ಜರ್‌ಲ್ಯಾಂಡಿನ ಪ್ರಕೃತಿ ಸೊಬಗು ಚಿತ್ರದ ಹಾಡುಗಳನ್ನು ಕಳೆಗಟ್ಟಿಸಿದೆ.
  • 1 ಲಕ್ಷ 25 ಸಾವಿರ ಧ್ವನಿಸುರುಳಿಗಳು ಹಾಗೂ 10 ಸಾವಿರ ಸಿ.ಡಿ.ಗಳು ಮಾರಾಟವಾದ ದಾಖಲೆಯನ್ನು ಚಿತ್ರ ಬರೆದಿದೆ ಎಂದು ಮಾರ್ಸ್‌ ರೆಕಾರ್ಡಿಂಗ್‌ ಕಂಪನಿ ಟಾಂಟಾಂ ಹೊಡೆಯುತ್ತಿದೆ.
  • ತಮ್ಮ ಮೆಚ್ಚಿನ ಶಿಷ್ಯ ಅನೂಪ್‌ಗೆ ಹಂಸಲೇಖ ಚಿತ್ರದಲ್ಲಿ ಹಾಡುವ ಅವಕಾಶ ಕೊಟ್ಟಿದ್ದಾರೆ.
  • ಉದಯಶಂಕರ್‌ ನಿರ್ದೇಶಿಸಿರುವ ‘ಒಂದಾಗೋಣ ಬಾ’ ತೆಲುಗಿನ ‘ಕಲಿಸುಂದಾಂ ರಾ’ ಚಿತ್ರದ ರೀಮೇಕು. ತೆಲುಗಿನ ಚಿತ್ರ ಭರ್ಜರಿ ಹಿಟ್‌ ಆಗಿತ್ತು.
ಕಳೆದ ವಾರ ಯಾವುದೇ ಕನ್ನಡ ಚಿತ್ರ ಬಿಡುಗಡೆಯಾಗಿರಲಿಲ್ಲ. ಈಗ ದೀಪಾವಳಿ ಹಬ್ಬದ ರಜೆ ದಿನಗಳು ಬೇರೆ. ‘ಒಂದಾಗೋಣ ಬಾ’ ಎಂದು ರವಿಚಂದ್ರನ್‌ ಹಾಗೂ ರಾಕ್‌ಲೈನ್‌ ಕರೆಯುತ್ತಿದ್ದಾರೆ.
Post your views

ಮುಖಪುಟ / ಸ್ಯಾಂಡಲ್‌ವುಡ್‌

Please Wait while comments are loading...