ರಾಧಿಕಾಗೆ ಯಶ್-ರಮ್ಯಾ 'ಯಶಸ್ಸು' ತರುವರೆ?

ಪ್ರೇಕ್ಷಕರು ಈಗಲೂ ರಾಧಿಕಾರನ್ನು ಅಷ್ಟೊಂದು ಇಷ್ಟಪಡುತ್ತಾರಾ? ಅಥವಾ ಅವರೇ ಹೇಳಿಕೊಂಡಂತೆ ರಾಜ್ಯದ ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿಯವರನ್ನು ಮದುವೆಯಾಗಿದ್ದಾರೆ ಎಂಬ ಕಾರಣವೇ? ಇನ್ನೂ ಗ್ಲಾಮರ್ ಹೆಚ್ಚಿಸಿಕೊಂಡು ಮೊದಲಿಗಿಂತ ಸುಂದರಿಯಾಗಿರುವ ರಾಧಿಕಾರೇ? ಅಥವಾ ಈಗ ಹೇಗಿದ್ದಾರೆಂದು ನೋಡುವ ಕುತೂಹಲವೇ?

ಈ ಪ್ರಶ್ನೆಗಳಿಗೆಲ್ಲಾ ರಾಧಿಕಾ ನೋಡಲು ಮುಗಿಬಿದ್ದ ಪ್ರೇಕ್ಷಕರೇ ಉತ್ತರ ಹೇಳಬೇಕು. ಅದಿರಲಿ, ಈಗ ಗಾಂಧಿನಗರದ ಪಂಡಿತರಲ್ಲಿ ಮೂಡಿರುವ ಪ್ರಶ್ನೆಯೆಂದರೆ, ನಿರ್ಮಾಪಕಿ ರಾಧಿಕಾ ಪಾಲಿಗೆ ಈ ಚಿತ್ರ 'ಲಕ್ಕಿ' ಆಗಬಹುದೇ? ಯಶ್ ರಮ್ಯಾ ಜೋಡಿ ರಾಧಿಕಾ ಚಿತ್ರ 'ಲಕ್ಕಿ'ಯನ್ನು ಗೆಲ್ಲಿಸಬಹುದೇ? ರಾಧಿಕಾ ಯಶಸ್ವಿ ನಿರ್ಮಾಪಕಿ ಎನಿಸಿಕೊಳ್ಳಬಹುದೆ? ಎಲ್ಲವೂ ಪ್ರೇಕ್ಷಕರ ಪ್ರತಿಕ್ರಿಯೆಯನ್ನು ಅವಲಂಬಿಸಿದೆ.