Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪೊರ್ಕಿಯಾಗಿ ದರ್ಶನ್,ಏಪ್ರಿಲ್ನಿಂದ ಚಿತ್ರೀಕರಣ
ನಾಯಕ ದರ್ಶನ್ ಬರಲಿಲ್ಲ. ನಿರ್ಮಾಪಕ ದತ್ತಾತ್ರೇಯ ಬಚ್ಚೇಗೌಡ ಒಂದು ಫೋನ್ ಬಂದದ್ದೇ ಬೆಚ್ಚಿ, ಮನೆಗೆ ಹೊರಟುಹೋಗಿದ್ದರು. ಕಾರ್ಯಕಾರಿ ನಿರ್ಮಾಪಕ ಸಂತೋಷ್ ಪೈ ಹಾಗೂ ಫೈನಾನ್ಶಿಯರ್ ಕೆ.ರಮೇಶ್ ಬಾಬು ಅವರಷ್ಟೇ ಇದ್ದದ್ದು. ಸಂಪೂರ್ಣವಾಗಿ ಮಾತಾಡಿದ್ದು ಗಣೇಶ್.
ರಾತ್ರಿ ಹೊತ್ತು ಸುದ್ದಿಗೋಷ್ಠಿ ಕೂಡದು ಎಂದು ನಿರ್ಮಾಪಕರ ಸಂಘ ಹೊರಡಿಸಿದ್ದ ಫರ್ಮಾನು ಶುಕ್ರವಾರ(ಜ.23) ಸಂಪೂರ್ಣ ಉಲ್ಲಂಘನೆಯಾಗುವ ನಿರೀಕ್ಷೆ ಇತ್ತು. ಆದರೆ, ಅದು ಹುಸಿಯಾಯಿತು. ನಿರ್ಮಾಪಕರ ಸಂಘ ಈ ವಿಷಯದ ಕುರಿತು ಪಟ್ಟನ್ನು ಬಿಗಿಗೊಳಿಸಿದೆ ಅನ್ನೋದಕ್ಕೆ ಇದು ಉದಾಹರಣೆ. ಸುದ್ದಿಗೋಷ್ಠಿ ಮುಗಿಯುವ ಮುನ್ನವೇ ಶನಿವಾರ ರಾತ್ರಿ ನಡೆಯಬೇಕಿದ್ದ 'ಜೊತೆಗಾರ' ಚಿತ್ರದ ಪ್ರೆಸ್ ಮೀಟೂ ಭಾನುವಾರ ಸಂಜೆಗೆ ಮುಂದಕ್ಕೆ ಹೋದ ಸುದ್ದಿ ಹೊರಬಿತ್ತು. ನಿರ್ಮಾಪಕ ಅಶ್ವಿನಿ ರಾಮ್ಪ್ರಸಾದ್ ಕೂಡ ಸಂಘದ ಎಚ್ಚರಿಕೆಗೆ ಮಣಿದಿದ್ದಾರೆ ಅನ್ನೋದಕ್ಕೆ ಇದು ಕನ್ನಡಿ.
ತೆಲುಗಿನ 'ಪೋಕಿರಿ' ಚಿತ್ರದ ರೀಮೇಕ್ 'ಪೊರ್ಕಿ'. ಸಾಕಷ್ಟು ಸರ್ವೆ ಮಾಡಿದ ನಂತರ ದರ್ಶನ್ ಇದಕ್ಕೆ ಸೂಕ್ತ ಎಂದು ಗಣೇಶ್ ತೀರ್ಮಾನಿಸಿದ್ದು. ಚಿತ್ರಕ್ಕೆ ಖುದ್ದು ಗಣೇಶ್ ಸ್ಕ್ರಿಪ್ಟ್ ಸಿದ್ದಪಡಿಸಿದ್ದಾರೆ. ನಿರ್ಮಾಣದ ಉಸ್ತುವಾರಿ ನೋಡಿಕೊಳ್ಳುವ ಜವಾಬ್ದಾರಿಯೂ ಅವರ ಮೇಲಿದೆ. ಏಪ್ರಿಲ್ನಿಂದ ಚಿತ್ರೀಕರಣ ಶುರು. ಯುಗಾದಿ ಹೊತ್ತಿಗೆ ಮುಹೂರ್ತ. ನಾಯಕಿ ಇನ್ನೂ ಗೊತ್ತಾಗಿಲ್ಲ. ಸಂಗೀತ ನಿರ್ದೇಶನ ಹರಿಕೃಷ್ಣ ವಹಿಸಿಕೊಂಡಿದ್ದಾರೆ. ಕೃಷ್ಣಕುಮಾರ್ ಕ್ಯಾಮೆರಾ ಹಿಡಿದು ನಿಲ್ಲಲಿದ್ದಾರೆ. ಎಂ.ಡಿ.ಶ್ರೀಧರ್ ನಿರ್ದೇಶಕನ ಕ್ಯಾಪ್ ತೊಡಲಿರುವ ಈ ಸಿನಿಮಾ ಕುರಿತು ತಂಡಕ್ಕೆ ಭಾರೀ ವಿಶ್ವಾಸವಿದೆ.
ನಿರ್ಮಾಪಕರ ಸಂಘ ಪಟ್ಟು ಸಡಿಲಿಸದೇ ಇದ್ದರೂ ಸುದ್ದಿಗೋಷ್ಠಿ ನಡೆಸುವ ಮೂಲಕ ಗಣೇಶ್ ಕಾಸರಗೋಡು ಸಾಂಕೇತಿಕ ಪ್ರತಿಭಟನೆ ನಡೆಸಿದಂತಾಯಿತು. ಪತ್ರಕರ್ತರಾದ ಸದಾಶಿವ ಶೆಣೈ ಹಾಗೂ ವಿಜಯ ಸಾರಥಿ ನಿರ್ಮಾಪಕರ ಸಂಘದ ಧೋರಣೆಯನ್ನು ಅನೌಪಚಾರಿಕ ಮಾತುಕತೆಯಲ್ಲಿ ಖಂಡಿಸಿದರು.