ರಾಧಾಗೆ ಐವತ್ತು!:ಕಿರುತೆರೆಗೆ ಮತ್ತೆ ಬಂದ ರವಿ ಬೆಳಗೆರೆ!

ಬೆಂಗಳೂರು, ಜುಲೈ 24: ಪ್ರತಿ ಸಂಜೆ 6.30ರಿಂದ 7ಗಂಟೆ ವರೆಗೆ ಈಟೀವಿಯಲ್ಲಿ ರಾಧಾಎನ್ನುವ ಧಾರಾವಾಹಿ ಪ್ರಸಾರವಾಗುತ್ತಿದೆ. ಈ ಧಾರಾವಾಹಿಯಲ್ಲಿ ಪತ್ರಕರ್ತ ಮತ್ತು ದಟ್ಸ್ ಕನ್ನಡ ಅಂಕಣಕಾರ ರವಿ ಬೆಳಗೆರೆ ಸಹಾ ನಟಿಸಿದ್ದಾರೆ. ಮಂಗಳವಾರ(ಜು.24)ರಾಧಾಗೆ 50ರ ಸಂಭ್ರಮ. 50ನೇ ಕಂತಿನಿಂದ ರವಿ ಪ್ರವೇಶ ಶುರು.

ಸಂಗೀತಗಾರ-ತತ್ವಜ್ಞಾನಿ ಪಾತ್ರದಲ್ಲಿ ರವಿ ಬೆಳಗೆರೆಯನ್ನು ಕಾಣಬಹುದಾಗಿದೆ. ಈ ಹಿಂದೆ ಮುಕ್ತ, ಪ್ರೀತಿ ಇಲ್ಲದ ಮೇಲೆಧಾರಾವಾಹಿಗಳಲ್ಲಿ ನಟಿಸಿ,ಕಿರುತೆರೆಯಲ್ಲಿ ಅವರು ತಮ್ಮಛಾಪು ಮೂಡಿಸಿದ್ದಾರೆ. ಅಂದ ಹಾಗೇ ರಾಧಾಧಾರಾವಾಹಿಯ ನಿರ್ದೇಶಕರು;ಸಂಜೀವ್ ತಗಡೂರು. ರವಿ ಬೆಳಗೆರೆಯ ಭಾವಿ ಅಳಿಯ ಶ್ರೀನಗರ ಕಿಟ್ಟಿ, ಧಾರಾವಾಹಿಯ ನಿರ್ಮಾಪಕರು.

ಗಿರೀಶ್ ಕಾಸರವಳ್ಳಿ ಪುತ್ರಿ ಅನನ್ಯಾ, ರಾಧಾಧಾರಾವಾಹಿಯಲ್ಲಿ ಅಭಿನಯಿಸುತ್ತಿದ್ದಾರೆ.