ಸೀರೆ ಜಾಹೀರಾತಿಗೆ ರು.50 ಲಕ್ಷ ಎಣಿಸಿದ ಬಿಂದಾಸ್ ತಾರೆ

ಆಕೆ ಮೊದಲೇ ದಂತದ ಗೊಂಬೆ. ಇನ್ನು ಸೀರೆ ಉಟ್ಟರಂತೂ ರಂಭೆ, ಮೇನಕೆ, ಊರ್ವಶಿ ಧರೆಗಿಳಿದಂತೆ.ಆಕೆ ಇನ್ನಾರು ಅಲ್ಲ ಹಂಸಿಕಾ ಮೋತ್ವಾನಿ.ಈಗಾಗಲೆ ಈಕೆ ಹಲವಾರು ಚಿತ್ರಗಳಲ್ಲಿ ಸೀರೆ, ಲಂಗಾ ದಾವಣಿ ಹಾಗೂ ಅರೆಬರೆ ಬಟ್ಟೆಗಳಲ್ಲಿ ಕಾಣಿಸಿಕೊಂಡಿದ್ದರು.

ಈಗ ದಕ್ಷಿಣ ಭಾರತದಲ್ಲಿ ಮೈಸೂರು ಸಿಲ್ಕ್ಸ್‌ನಷ್ಟು ಅಲ್ಲದಿದ್ದರೂ ಒಂಚೂರು ಹೆಸರುವಾಸಿಯಾದಚೆನ್ನೈ ಸಿಲ್ಕ್ಸ್‌ ಜಾಹೀರಾತಿಗೆ ಸಹಿ ಹಾಕಿದ್ದಾರೆ. ಈ ಜಾಹೀರಾತಿಗೆ ಆಕೆ ಎಣಿಸಿದ ಮೊತ್ತ ರು.50 ಲಕ್ಷ. ಅಂದರೆ ಸೀರೆ ಕಟ್ಟಿಕೊಂಡು ಹಿಂದೆ ಮುಂದೆ ತೋರಿಸಲು ಈ ಪಾಟಿ ದುಡ್ಡು. ಅಷ್ಟೆ ಇನ್ನೇನು ಇಲ್ಲ. ಪುನೀತ್ ಜೊತೆ ಬಿಂದಾಸ್ ಚಿತ್ರದಲ್ಲಿ ಅಭಿನಯಿಸಿದ್ದರು. (ಏಜೆನ್ಸೀಸ್)