Don't Miss!
- News ಬಿವೈ ವಿಜಯೇಂದ್ರ ಭೇಟಿ ಬಳಿಕ ಸಂಸದೆ ಸುಮಲತಾ ಹೇಳಿದ್ದೇನು?
- Sports RCB VS KKR: ಟಾಸ್ ಗೆದ್ದ ಕೆಕೆಆರ್ ಫೀಲ್ಡೀಂಗ್ ಆಯ್ಕೆ: ಆರ್ಸಿಬಿ ತಂಡದಲ್ಲಿ ಇಲ್ಲ ಬದಲಾವಣೆ
- Lifestyle ಏಪ್ರಿಲ್ 1ರಿಂದ 800 ಔಷಧಗಳು ದುಬಾರಿ..! ಎಷ್ಟು ಬೆಲೆ ಹೆಚ್ಚಳ.?
- Automobiles ಭಾರತದಲ್ಲಿ ಬಿಡುಗಡೆಗೆ ಸಜ್ಜಾದ ಬಹುನಿರೀಕ್ಷಿತ ಹೊಸ ಸ್ಕೋಡಾ ಸೂಪರ್ಬ್ ಕಾರು
- Technology WhatsApp: ವಾಟ್ಸಾಪ್ನಲ್ಲಿ ಈ ಕರೆಗಳನ್ನು ಸ್ವೀಕರಿಸದಂತೆ ಕೇಂದ್ರದಿಂದ ಎಚ್ಚರಿಕೆ! ಯಾಕೆ ಗೊತ್ತಾ?
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ರಾಜ್'ಮೊದಲ ವಾರದ ಗಳಿಕೆ ರು.6 ಕೋಟಿ
ರಾಜ್ ಶೋ ಮ್ಯಾನ್ ಚಿತ್ರದ ಮೊದಲ ವಾರದ ಗಳಿಕೆ ಎಷ್ಟು? ''ಚಿತ್ರ ಎಷ್ಟು ಹಣ ಗಳಿಸಿದೆ ಎಂಬುದರ ಬಗ್ಗೆ ನಾನು ಮಾತನಾಡುವುದಿಲ್ಲ.ಚಿತ್ರ ಬಿಡುಗಡೆಯಾಗಿರುವ 101 ಕೇಂದ್ರದಲ್ಲಿ 31 ಲಕ್ಷ ಜನ ರಾಜ್ ನೋಡಿ ಆನಂದಿಸಿದ್ದಾರೆ '' ಎನ್ನುತ್ತಾರೆ ನಿರ್ದೆಶಕ ಪ್ರೇಮ್.
ಚಿತ್ರಕ್ಕೆ ಈ ಪಾಟಿ ಪ್ರತಿಕ್ರಿಯೆ ವ್ಯಕ್ತವಾಗಲು ಪುನೀತ್ ರಾಜ್ ಕುಮಾರ್ ಅವರೇ ಕಾರಣ ಎಂಬ ಮಾತನ್ನ್ನು ಪ್ರೇಮ್ ಒಪ್ಪುತ್ತಾರೆ. ಆದರೆ ಒಂದು ವಾರದಲ್ಲಿ ಚಿತ್ರ ಎಷ್ಟು ಹಣ ಗಳಿಸಿದೆ ಎಂಬುದು ಮುಖ್ಯವಲ್ಲ ಎನ್ನುವ ಪ್ರೇಮ್, ಮೊದಲ ವಾರದ ಗಳಿಕೆ ರು.6 ಕೋಟಿ ಮೀರಿದೆ ಎಂಬುದನ್ನು ಎದೆ ತಟ್ಟ್ಟಿ ಹೇಳುತ್ತಾರೆ.
ಬಳ್ಳಾರಿಯ ಎರಡು ಚಿತ್ರಮಂದಿರಗಳಲ್ಲಿ ಇದುವರೆಗೂ ರಾಜ್ 13 ಪ್ರದರ್ಶನಗಳನ್ನು ಕಂಡಿದೆ. ಗಳಿಕೆ ವಿಚಾರವಾಗಿ ಮೂರು ದಿನಗಳ ಕಾಲ ನಾನು ಯಾರೊಂದಿಗೂ ಮಾತನಾಡಿಲ್ಲ. ನೂರು ದಿನಗಳ ಗಳಿಕೆಯನ್ನು ರಾಜ್ ಕೇವಲ ಒಂದು ವಾರದಲ್ಲೇ ಗಳಿಸಿದೆ ಎಂಬುದನ್ನು ಹೆಮ್ಮೆಯಿಂದ ಹೇಳುತ್ತೇನೆ ಎನ್ನುತ್ತಾರೆ ಪ್ರೇಮ್.
ರಾಜ್ ಚಿತ್ರದ ಮೂಲಕ ಪುನೀತ್ ಸಹ ಏರಿಳಿಕೆ ಕಂಡಿದ್ದಾರೆ. ಚಿತ್ರಕ್ಕೆ ವ್ಯಕ್ತವಾಗಿರುವ ಋಣಾತ್ಮಕ ಪ್ರತಿಕ್ರಿಯೆಗಿಂತ ಧನಾತ್ಮಕ ಪ್ರತಿಕ್ರಿಯೆ ಹೆಚ್ಚು ಖುಷಿ ಕೊಟ್ಟಿದೆ. ಚಿತ್ರದ ಗುಣಮಟ್ಟದ ಬಗ್ಗೆ ಎರಡು ಮಾತಿಲ್ಲ. ಪ್ರೇಕ್ಷಕರು ಒಂಚೂರು ನಿರಾಶರಾಗಿದ್ದನ್ನು ಬಿಟ್ಟರೆ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ ಎನ್ನುತ್ತ್ತಾರೆ ಪುನೀತ್.
(ದಟ್ಸ್ ಕನ್ನಡ ಚಿತ್ರವಾರ್ತೆ)