ಧನುಷ್ ಕೊಲವೆರಿ ದಿ '3' ಆಡಿಯೋ ಬಿಡುಗಡೆ

ಜಗತ್ಪ್ರಸಿದ್ಧ ಗೀತೆ ಎಂದೇ ಹೇಳಬಹುದಾದ ಧನುಷ್ ನಟನೆಯ 'ಕೊಲವೆರಿ ದಿ' ಹಾಡನ್ನು ಒಳಗೊಂಡಿರುವ ತಮಿಳು ಚಿತ್ರ '3' ಆಡಿಯೋ ಬಿಡುಗಡೆ ಯಶಸ್ವಿಯಾಗಿ ನೆರವೇರಿದೆ. ಚೆನ್ನೈನ ಸೇಂಟ್ ಜಾರ್ಜ್ ಸ್ಕೂಲಿನಲ್ಲಿ ಸಾಂಗವಾಗಿ ನೆರವೇರಿದ ಈ ಕಾರ್ಯಕ್ರಮ ನಿರೀಕ್ಷೆ ಮೀರಿ ಯಶಸ್ವಿಯಾಗಿದೆ.

ಅರ್ಮಾನಿ ವೈಟ್ ಸ್ಯೂಟ್ ಧರಿಸಿದ್ದ ನಟ ಧನುಷ್, ಪತ್ನಿ ಐಶ್ವರ್ಯ ಹಾಗೂ ನಟಿ ಶ್ರುತಿ ಹಾಸನ್ ಗೆ ಅಭಿಮಾನಿಗಳ ಗುಂಪಿನಿಂದ 6 ಜನರನ್ನು ಲಿಕ್ಕೀ ಡಿಪ್ ಮೂಲಕ ಆಯ್ಕೆ ಮಾಡಿ ಅವರಿಂದ ಆಡಿಯೋ ಬಿಡುಗಡೆ ಮಾಡಿಸಿ ಎನ್ನು ಮೂಲಕ ವಿಶಿಷ್ಠತೆ ಮೆರೆದರು. ಅಭಿಮಾನಿಗಳು, ಪ್ರೇಕ್ಷಕರು ಇದರಿಂದ ಪುಳಕಿತರಾದರು.

3 ಚಿತ್ರ ಈ ಆಡಿಯೋ ಮಾಧುರ್ಯ ಹಾಗೂ ವೇಗ ಹದವಾಗಿ ಬೆರೆತಿರುವ ವಿಭಿನ್ನ ಪ್ಯಾಕೇಜ್ ಎನಿಸಿಕೊಂಡಿದೆ. ನಟ ದನುಷ್ ಅಲ್ಲದೇ, ಶ್ರುತಿ ಹಾಸನ್, ನದೀಶಾ ಥಾಮಸ್, ಮಾಲವಿಕಾ ಮನೋಜ್, ಶ್ವೇತಾ ಮೆನನ್, ಮೋಹಿತ್ ಚೌವ್ಹಾಣ್ ಹಾಗೂ ವಿಜಯ್ ಯೇಸುದಾಸ್ ಹಾಜರಿದ್ದರು. ಒಟ್ಟಿನಲ್ಲಿ ಬಹುನಿರೀಕ್ಷೆಯ ಆಡೊಯೋ ಬಿಡುಗಡೆ ಆಯ್ತು, ಚಿತ್ರ ಬಿಡುಗಡೆಗೆ ಕಾಯಬೇಕು. (ಒನ್ ಇಂಡಿಯಾ ಕನ್ನಡ)