ಲೂಸ್ ಮಾದನಿಗೆ 'ಶನಿವಾರ' ಭಾರೀ ಶುಕ್ರದೆಸೆ

| Published: Monday, December 26, 2011, 16:09 [IST]

ನಟ ಯೋಗೇಶ್ ವೃತ್ತಿಜೀವನಕ್ಕೆ ಒಮ್ಮೆ ಅಂಟಿಕೊಂಡಿದ್ದ 'ಶನಿ' ದೂರವಾಗಿದ್ದಾನೆ. ಇತ್ತೀಚಿನ ದಿನಗಳಲ್ಲಿ ಲೂಸ್ ಮಾದನ ಸೋಲೋ ನಾಯಕತ್ವದ ಎಲ್ಲಾ ಚಿತ್ರಗಳು ಬಾಕ್ಸ್ ಆಫೀಸಿನಲ್ಲಿ ಮುಗ್ಗರಿಸಿ ಶನಿಕಾಟ ಪ್ರಾರಂಭವಾಗಿತ್ತು. ಇದೀಗ ದೊಡ್ಡ ದೊಡ್ಡ ಬ್ಯಾನರಿನ ಚಿತ್ರಗಳು ಸಾಲಾಗಿ ಕೈಸೇರುತ್ತಿವೆ.

ಸಿದ್ಲಿಂಗು ಚಿತ್ರ ಮುಂದಿನ ವರ್ಷದ ಪ್ರಾರಂಭದಲ್ಲಿ (ಜನವರಿ 06, 2012) ಬಿಡುಗಡೆ ಆಗುತ್ತಿದೆ. ಅಲೆಮಾರಿ ಶೂಟಿಂಗ್ ನಡೆಯುತ್ತಿದೆ. ಮಾ. ಚಂದ್ರು ನಿರ್ದೆಶನದ 'ಬಂಗಾರಿ' ಕ್ಷಣಗಣನೆಯಲ್ಲಿದೆ. ರಾಮು ನಿರ್ಮಾಣದ 'ಮುಂಬೈ' ಯೋಗಿಯ ಕೈಸೇರಲಿರುವುದು ಫೈನಲ್ ಆಗಬೇಕಾಗಿದೆ.

ಜತೆಗೆ ಈಗ ಯೋಗೇಶ್ ಹುಣುಸೂರು ನಿರ್ದೆಶನ, ಎಂ ಎಸ್ ರಮೇಶ್ ನಿರ್ಮಾಣದಲ್ಲಿ 'ಶನಿವಾರ' ಚಿತ್ರ ಪ್ರಾರಂಭ ಪಕ್ಕಾ ಆಗಿದೆ. ಬಂಗಾರಿ ಚಿತ್ರಕ್ಕೆ ನಾಯಕಿಯಾಗಿ ರಾಗಿಣಿ ಆಯ್ಕೆಯಾಗಿದ್ದರೆ ಶನಿವಾರಕ್ಕೆ ನಾಯಕಿಯ ಶೋಧ ನಡೆಯುತ್ತಿದೆ. ಒಟ್ಟಿನಲ್ಲಿ ಲೂಸ್ ಮಾದ ಬಹಳಷ್ಟು ಬ್ಯುಸಿ. (ಒನ್ ಇಂಡಿಯಾ ಕನ್ನಡ)