ಮುಖಪುಟ

ಸಿನಿ ಸಮಾಚಾರ

ದಿಗಂತ್ ಮುಖ್ಯಭೂಮಿಕೆಯಲ್ಲಿರುವ 'ದೇವ್' ಸನ್ ಆಫ್ ಮುದ್ದೇಗೌಡ ಚಿತ್ರದಲ್ಲಿ ಗ್ಲಾಮರಸ್ ಪಾತ್ರ ಪೋಷಿಸಿರುವ ಚಾರ್ಮಿ ಕೌರ್ ಈಗ ಬೆಲೆವೆಣ್ಣು. ಅಂದರೆ ಆ ರೀತಿಯ ಪಾತ್ರವನ್ನು ಪೋಷಿಸಲು ಮುಂದಾಗಿದ್ದಾರೆ ಅಷ್ಟೇ. ಆದರೆ ಕನ್ನಡ ಚಿತ್ರದಲ್ಲಲ್ಲ ಪಕ್ಕದ ತೆಲುಗು ಚಿತ್ರರಂಗದಲ್ಲಿ.

ಜನಪ್ರಿಯ ಸಿನಿಮಾ ತಾರೆಗಳಾದ ಸಾವಿತ್ರಿ, ಜಯಸುಧಾ, ಜಯಪ್ರದಾ, ಶ್ರೀದೇವಿ, ಟಬು, ಕರೀನಾ ಕಪೂರ್ ಹಾಗೂ ಅನುಷ್ಕಾ ಸಹ ಈ ಹಿಂದೆ ಬೆಲೆವೆಣ್ಣಿನ ಪಾತ್ರವನ್ನು ಪೋಷಿಸಿದ್ದಾರೆ. ಈಗ ಅಂತಹದ್ದೇ ಪಾತ್ರವನ್ನು ಚಾರ್ಮಿ ಕೌರ್ ಪೋಷಿಸಲಿದ್ದಾರಂತೆ. ಈ ಚಿತ್ರದಲ್ಲಿ ಗ್ಲಾಮರ್‌ಗೂ ಹೆಚ್ಚು ಒತ್ತು ನೀಡಲಾಗಿದೆಯಂತೆ.

ಈ ಹಿಂದೆ ಚಾರ್ಮಿ ಕೌರ್ ಕನ್ನಡದ 'ಲವ ಕುಶ' ಚಿತ್ರದಲ್ಲಿ ಅಭಿನಯಿಸಿದ್ದರು. ಈಗ ತೆರೆ ಕಾಣಲು ಸಜ್ಜಾಗಿರುವ 'ದೇವ್' ಚಿತ್ರದಲ್ಲೂ ಚಾರ್ಮಿ ತಮ್ಮ ಗ್ಲಾಮರ್ ಪ್ರದರ್ಶಿಸಲು ಬರುತ್ತಿದ್ದಾರೆ. ಅದು ಬಿಟ್ಟರ ಹೆಚ್ಚಾಗಿ ತಮಿಳು,ತೆಲುಗು ಚಿತ್ರಗಳಲ್ಲಿ ಚಾರ್ಮಿ ಬಿಜಿಯೋ ಬಿಜಿ. (ಏಜೆನ್ಸೀಸ್)