ರಾಜ್ಯಸಭೆ ಸದಸ್ಯತ್ವಕ್ಕೆ ರೇಖಾ ಹೆಸರು ಶಿಫಾರಸು

ಪ್ರಧಾನಿ ಮನಮೋಹನ ಸಿಂಗ್, ರೇಖಾ ಹಾಗೂ ಇತರ 11 ಮಂದಿ ನಾಮಕರಣಕ್ಕೆ ಶಿಫಾರಸುಗೊಂಡಿರುವವರ ಪಟ್ಟಿಯನ್ನು ರಾಷ್ಟ್ರಪತಿ ಪ್ರತಿಭಾ ಪಾಟೀಲ್ ಅವರಿಗೆ ಕಳಿಸಿಕೊಟ್ಟಿದ್ದಾರೆ ಎಂದು ಸುದ್ದಿಮೂಲಗಳಿಂದ ತಿಳಿದುಬಂದಿದೆ. ಭಾರತೀಯ ಸಂವಿಧಾನ 80ನೇ ಪರಿಚ್ಛೇದದ ಪ್ರಕಾರ, ಸಾಹಿತ್ಯ, ವಿಜ್ಞಾನ, ಕಲೆ ಮತ್ತು ಸಾಮಾಜಿಕ ಸೇವೆ ಇವುಗಳಲ್ಲಿ ವಿಶೇಷ ಜ್ಞಾನ, ಕೌಶಲ್ಯ ಹಾಗೂ ಕೆಲಸಮಾಡಿದ ಅನುಭವಗಳ ಆಧಾರದ ಮೇಲೆ ಈ ನಾಮಕರಣ ಪ್ರಕ್ರಿಯೆ ನಡೆಯುವುದು ವಾಡಿಕೆ.

ಆ ಕಾರಣಕ್ಕಾಗಿ ನಟಿ ರೇಖಾ ಹೆಸರು ಸೇರ್ಪಡೆಯಾಗಿದೆ. 57 ವರ್ಷದ ರೇಖಾ ತಮ್ಮ ಅಮೋಘ ನಟನೆಗೆ ಸಾಕಷ್ಟು ರಾಷ್ಟ್ರೀಯ ಪ್ರಶಸ್ತಿಗಳನ್ನೂ ಪಡೆದಿದ್ದಾರೆ. ಇದೀಗ ರಾಜ್ಯಸಭೆ ಸದಸ್ಯತ್ವಕ್ಕೆ ಶಿಫಾರಸು ಪಡೆದು ಎಲ್ಲರ ಗಮನಸೆಳೆದಿದ್ದಾರೆ. ಇದು ರೇಖಾ ಜನಪ್ರಿಯತೆಗೆ ಸಾಕ್ಷಿ. (ಒನ್ ಇಂಡಿಯಾ ಕನ್ನಡ)