ಇಲಿಯಾನಾ ದಿನಗೂಲಿ ದೀಪಿಕಾ ಪಡುಕೋಣೆಗಿಂತ ಜಾಸ್ತಿ!

ಸೂಪರ್ ಸ್ಟಾರ್ ರಜನಿಕಾಂತ್ ಆರೋಗ್ಯ ಕೈಕೊಟ್ಟ ಕಾರಣ 'ರಾಣಾ' ಚಿತ್ರದ ಚಟುವಟಿಕೆಗಳೂ ಸ್ತಬ್ಧವಾಗಿದ್ದವು. ಈಗ ಮತ್ತೆ ರಾಣಾ ಗರಿಗೆದರಿದೆ. ಸದ್ಯಕ್ಕೆ ಈ ಚಿತ್ರದ ಚಿತ್ರೀಕರಣ ಹೈದರಾಬಾದ್‌ನ ರಾಮೋಜಿ ಫಿಲಂ ಸಿಟಿಯಲ್ಲಿ ನಡೆಯಲಿದ್ದು, ಇದಕ್ಕಾಗಿ ಭಾರಿ ಸೆಟ್ಸ್‌ಗಳನ್ನು ನಿರ್ಮಿಸಲಾಗುತ್ತಿದೆ.

ಈ ಚಿತ್ರದ ನಾಯಕಿ ಡಿಂಪಲ್ ಸುಂದರಿ ದೀಪಿಕಾ ಪಡುಕೋಣೆ. ಲೇಟೆಸ್ಟ್ ಸುದ್ದಿ ಎಂದರೆ ಈ ಚಿತ್ರಕ್ಕೆ ಮತ್ತೊಬ್ಬ ನಾಯಕಿಯ ರಂಗಪ್ರವೇಶವಾಗಿದೆ. ಆಕೆ ಬೇರಾರು ಅಲ್ಲ ದಕ್ಷಿಣದ ಬೆಡಗಿ ಇಲಿಯಾನಾ. ಈ ಚಿತ್ರದಲ್ಲಿ ದೀಪಿಕಾಗಿಂತಲೂ ಇಲಿಯಾನಾ ಸಂಭಾವನೆ ಜಾಸ್ತಿ ಎಂಬುದು.

ರಾಣಾ ಚಿತ್ರದ 90 ದಿನಗಳ ಕಾಲ್ ಶೀಟ್‌ಗೆ ರು.2 ಕೋಟಿ ಚಾರ್ಜ್ ಮಾಡಿದ್ದಾರೆ ದೀಪಿಕಾ. ಆದರೆ ಕೇವಲ 15 ದಿನಕ್ಕೆ ಇಲಿಯಾನಾ ಸಂಭಾವನೆ ರು.60 ಲಕ್ಷ ಎನ್ನುತ್ತವೆ ಮೂಲಗಳು. ಈ ಪ್ರಕಾರ ಲೆಕ್ಕಾಚಾರ ಮಾಡಿದರೆ ದೀಪಿಕಾ ದಿನಗೂಲಿ ರು.2 ಲಕ್ಷ ಚಿಲ್ಲರೆ ಇದ್ದರೆ ಇಲಿಯಾನಾ ರೇಟು ರು.4 ಲಕ್ಷ ಚಿಲ್ಲರೆಯಾಗುತ್ತದೆ. ಇದು ಚಿಲ್ಲರೆ ಸಮಾಚಾರ ಎಂದು ತಳ್ಳಿಹಾಕುವಂತಿಲ್ಲ. (ಏಜೆನ್ಸೀಸ್)