twitter
    For Quick Alerts
    ALLOW NOTIFICATIONS  
    For Daily Alerts

    200ರ ಹೊಸ್ತಿಲಲ್ಲಿ ‘ಎಕ್ಸ್‌ ಕ್ಯೂಸ್‌ಮಿ’

    By Super
    |

    Sunil Rao
    'ಎಕ್ಸ್‌ ಕ್ಯೂಸ್‌ಮಿ" ಚಿತ್ರ ಬಿಡುಗಡೆಯಾದಾಗಲೇ ನಮ್ಮ 'ದಟ್ಸ್‌ ಕನ್ನಡ ಬ್ಯೂರೋ" ಚಿತ್ರ ಶತದಿನ ಆಚರಿಸುವುದರಲ್ಲಿ ಅನುಮಾನವೇ ಇಲ್ಲ ಎಂದು ಬರೆದಿತ್ತು. ಆದರೆ 'ಎಕ್ಸ್‌ ಕ್ಯೂಸ್‌ ಮಿ" ಚಿತ್ರ ಈಗ ದ್ವಿಶತಕದತ್ತ ದಾಪುಗಾಲಿಡುತ್ತಿದೆ. ಈಗಾಗಲೇ 25 ವಾರಗಳನ್ನು ಮುಗಿಸಿರುವ 'ಎಕ್ಸ್‌ ಕ್ಯೂಸ್‌ ಮಿ" ಚಿತ್ರ, ಪ್ರೇಕ್ಷಕರು ಹೊಸ ಮುಖಗಳಿಗೇ ಹೆಚ್ಚಿನ ಪ್ರೋತ್ಸಾಹ ನೀಡುವರೆಂಬುದನ್ನು ಸಾಬೀತು ಮಾಡಿದೆ. 'ಎಕ್ಸ್‌ ಕ್ಯೂಸ್‌ ಮಿ" ಚಿತ್ರದ ಜೊತೆಯೇ ಬಿಡುಗಡೆಗೊಂಡ ದೊಡ್ಡ ದೊಡ್ಡ ಬ್ಯಾನರ್‌ಗಳಡಿಯಲ್ಲಿ, ದೊಡ್ಡ ಬಜೆಟ್‌ ಹಾಕಿ, ದೊಡ್ಡ ದೊಡ್ಡ ನಾಯಕರುಗಳ ಚಿತ್ರ ತೋಪಾಗಿದೆ.

    100 ದಿನಗಳನ್ನು ದಾಟಿದ ಮೇಲೆ ಕೆಲ ದಿನ ಚಿತ್ರದ ಗಳಿಕೆಯಲ್ಲಿ ಸ್ವಲ್ಪ ಇಳಿಮುಖ ಕಂಡರೂ ಆ ಮೇಲೆ ಮತ್ತೆ ಚೆತರಿಸಿಕೊಂಡು 200 ದಿನದತ್ತ ಚಿತ್ರ ದಾಪುಗಾಲು ಹಾಕುತ್ತಿದೆ. ಎಂ.ಎನ್‌. ಸುರೇಶ್‌ ನಿರ್ಮಾಣದ ಮೊದಲ ಚಿತ್ರ ಇದಾಗಿದ್ದು ಮೊದಲ ಪ್ರಯತ್ನವೇ ಫಲಕಾರಿಯಾಗಿದೆ. ಚಿತ್ರದ ನಾಯಕ, ಹೊಳಪುಗಣ್ಣಿನ ಹುಡುಗ ಸುನಿಲ್‌ ರಾವ್‌ನಲ್ಲಿ ಹುದುಗಿದ ಪ್ರತಿಭೆಗೆ ನಿಜವಾದ ಬೆಲೆ ದೊರೆತಿದೆ.

    ನಿರ್ಮಾಪಕ ಎಂ.ಎನ್‌. ಸುರೇಶ್‌ ಅವರ ಹೊಸ ಹುಡುಗರನ್ನು ಹಾಕಿ ಚಿತ್ರ ಮಾಡಿದರೆ ಗೆಲ್ಲುತ್ತೇವೆಂಬ ಮಾತಿಗೆ ಸಾಕ್ಷಿ ದೊರೆತಿದೆ. ಎಂ.ಎನ್‌. ಸುರೇಶ್‌ ನಾಗಣ್ಣ ಅವರ ನಿರ್ದೇಶನದ 'ಚಪ್ಪಾಳೆ" ಎಂಬ ಚಿತ್ರದ ನಿರ್ಮಾಣಕ್ಕೆ ಕೈ ಹಾಕಿದ್ದಾರೆ. ಹೊಸ ನಟರನ್ನೇ ಹಾಕಿಕೊಂಡು ಸುರೇಶ್‌ 'ಚಪ್ಪಾಳೆ" ಚಿತ್ರವನ್ನು ನಿರ್ಮಿಸಲು ಹೊರಟಿದ್ದಾರೆ. ಅವರು ಗೆಲ್ಲಲಿ.

    ಸುನಿಲ್‌ ರಾವ್‌ರಂಥಹ ಹೊಸ ಪ್ರತಿಭೆಗಳು ಬೆಳಕಿಗೆ ಬರಲಿ. ಕನ್ನಡ ಚಿತ್ರರಂಗದಲ್ಲೀಗ ನಟರಿಗೇನೂ ಕೊರತೆಯಿಲ್ಲ; ಪ್ರತಿಭಾವಂತ ನಟರು ಮಾತ್ರ ವಿರಳವಾಗಿದ್ದಾರೆ. ಸುರೇಶ್‌ ಅಂಥವರಿಂದಲಾದರೂ ಪ್ರತಿಭಾನ್ವಿತರು ಬೆಳಕಿಗೆ ಬರಲಿ ಎಂದು ಹಾರೈಸೋಣ.

    English summary
    Excuse Me kannada movie entered 25th week of screening in Kapali a prominent theater in Bangalore
    Sunday, July 28, 2013, 17:16
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X