Click it and Unblock the Notifications
ರೆಹಮಾನ್ ಮ್ಯಾಜಿಕ್ : ತಾಜ್ ನಂ.1 ವಂಡರ್ ಆಗುವುದೇ?
ಆಗ್ರಾ : ತಾಜ್ಮಹಲನ್ನು ವಿಶ್ವದ ಏಳು ಅದ್ಭುತಗಳ ಪಟ್ಟಿಯಲ್ಲಿ ಮೊದನೆಯದನ್ನಾಗಿ ಮಾಡಲು ಸಂಗೀತ ನಿರ್ದೇಶಕ ಎ.ಆರ್.ರೆಹಮಾನ್ ಕಸರತ್ತು ಆರಂಭಿಸಿದ್ದಾರೆ.
ಈ ನಿಟ್ಟಿನಲ್ಲಿ ರೆಹಮಾನ್ ಸಂಗೀತದ ಹೊಸ ಆಲ್ಬಂ ಹೊರತರಲಿದ್ದಾರೆ. ಪ್ರೇಮದ ಸಂಕೇತವಾದ ತಾಜ್ಮಹಲ್ನ ಆವರಣದಲ್ಲಿ ಇದಕ್ಕಾಗಿ ಚಿತ್ರೀಕರಣವೂ ಆರಂಭವಾಗಿದೆ.
ಸ್ವಿಸ್ ಸಂಸ್ಥೆ ‘ನ್ಯೂ ಸೆವೆನ್ ವಂಡರ್ಸ್ ಆಫ್ ದಿ ವರ್ಲ್ಡ್’ ಪಟ್ಟಿಯಲ್ಲಿ ತಾಜ್ಮಹಲ್ನ ಹೆಸರನ್ನೂ ಸೇರಿಸಿದೆ. ತಮ್ಮ ಆಲ್ಬಂ ಮೋಡಿಯಿಂದ, ಈ ಏಳರ ಪಟ್ಟಿಯಲ್ಲಿ ತಾಜ್ಮಹಲನ್ನು ಮೊದಲನೆಯದಾಗಿಸುವಲ್ಲಿ ರೆಹಮಾನ್ ಯಶಸ್ವಿಯಾಗುವರೇ ಎಂಬುದು ಸದ್ಯದ ಕುತೂಹಲ.
ಕನ್ನಡ ವರ್ಷನ್ಗೆ ಕಲ್ಯಾಣ್ ಸಾಹಿತ್ಯ!!
ಕನ್ನಡದ ಪ್ರೇಮ ಕವಿ ಕೆ. ಕಲ್ಯಾಣ್ ಅವರಿಗೆ ಕನ್ನಡ ಆವೃತ್ತಿಗೆ ಸಾಹಿತ್ಯ ಒದಗಿಸುವಂತೆ ಎ.ಆರ್.ರೆಹಮಾನ್ ಕೇಳಿದ್ದಾರೆ. ಎಲ್ಲಾ ಪ್ರಮುಖ ಭಾಷೆಗಳಲ್ಲಿ ಬರುತ್ತಿರುವ ಈ ಗೀತೆಗಳ ರಾಗ ಸಂಯೋಜನೆ ಎ.ಆರ್ ರೆಹಮಾನ್ ಸ್ಟುಡಿಯೋದಲ್ಲಿ ಸಾಗುತ್ತಿದೆ. ವಿಶೇಷವೆಂದರೆ ಈ ಆಲ್ಬಂನಲ್ಲಿರುವ ಗೀತೆಗಳನ್ನು ಸ್ವತಃ ರೆಹಮಾನ್ ಅವರೇ ಬರೆದಿದ್ದಾರೆ. ತಾಜ್ಗೆ ಮತನೀಡಿ ಎಂಬ ಸಂದೇಶದೊಂದಿಗೆ ಹಾಡುಗಳು ಮೂಡಿಬರಲಿವೆ.
ಮೊಘಲ್ ಚಕ್ರವರ್ತಿ ಶಹಜಹಾನ್ ಹಾಗೂ ಆತನ ಹೆಂಡತಿ-ಜೀವನಪ್ರೀತಿ ಮುಮ್ತಾಜ್ಳ ಆಧ್ಯಾತ್ಮಿಕ ರಮ್ಯ ಸಂಬಂಧವನ್ನು, ಕಣ್ಣಿಗೆ ಕಟ್ಟುವಂತಹ ದೃಶ್ಯಾವಳಿಗಳ ಚಿತ್ರೀಕರಣ ಭರದಿಂದ ಸಾಗಿದೆ. ಕಾಚ್ಪುರ, ಮೆಹ್ತಾಬ್ಬಾಗ್ ಮೊದಲಾದ ಸ್ಥಳಗಳಲ್ಲಿ ಚಿತ್ರೀಕರಣ ನಡೆಯುತ್ತಿದೆ.
(ಏಜನ್ಸೀಸ್)
Continue with Google