ಪುನೀತ್ ಜೊತೆ ಅಭಿನಯದ ಕನಸಾಯ್ತು ನನಸು

ತಮ್ಮ ಚಿತ್ರರಂಗದ ಕನಸು ಹಾಗೂ ನನಸುಗಳ ಬಗ್ಗೆ ಹರ್ಷಿಕಾ ಪೂಣಚ್ಚ ಹೀಗೆ ಹೇಳುತ್ತಾರೆ. "ಈ ವರ್ಷದ ಆರಂಭದಲ್ಲಿ ನಾನು ಕಂಡಿದ್ದು ಒಂದೇ ಕನಸು. ಅದು ಪುನೀತ್ ಸರ್ ಜೊತೆ ಅಭಿನಯಿಸಬೇಕು ಎಂಬುದು. ಅದು ಈಡೇರಿದೆ. ಜಾಕಿ ಚಿತ್ರದಲ್ಲಿ ನಾನು ಅವರೊಂದಿಗೆ ನಟಿಸಿದೆ. ಹೀಗೆ 2011, ನನ್ನ ಪಾಲಿಗೆ ಮರೆಯಲಾಗದ ವರ್ಷ"

ವೃತ್ತಿಜೀವನಕ್ಕೆ ಸಂಬಂಧಿಸಿದಂತೆ ಮಾತಾನಾಡುವ ಹರ್ಷಿಕಾ "ನಾನು ಪಿಯುಸಿ ಓದುತ್ತಿರುವಾಗ ಚಿತ್ರರಂಗಕ್ಕೆ ಬಂದೆ. ಓದಿನ ಜೊತೆ ಇಲ್ಲಿ ಸಂಪೂರ್ಣ ತೊಡಗಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಎರಡೂ ಕಡೆ ಬ್ಯಾಲೆನ್ಸ್ ಮಾಡಿದೆ. ನಂತರ ಇಂಜಿನಿಯರಿಂಗ್ ಓದುವಾಗ ಕೂಡ ಓದಿಗೇ ಹೆಚ್ಚು ಮಹತ್ವ ಕೊಟ್ಟೆ. ಈಗ ಇಂಜಿನಯರಿಂಗ್ ಮುಗಿದಿದೆ.

ಇನ್ನು ನನಗೆ ಈ ಮೊದಲಿನಂತೆ ಎರಡು ದೋಣಿಯ ಪ್ರಯಾಣದ ಆಯಾಸವಿಲ್ಲ. ನನಗೆ ಇಷ್ಟವಾದ ಪಾತ್ರಗಳು ಬಂದರೆ ನಟನೆ ಮುಂದುವರಿಸುತ್ತೇನೆ. ಇಲ್ಲದಿದ್ದರೆ ಇಂಜಿನಿಯರಿಂಗ್ ಪದವಿ ಇದ್ದೇ ಇದೆ. ನನಗೆ ಯಾವ ಕೆಲಸ ಮಾಡಲೂ ಸಂಕೋಚವಿಲ್ಲ" ಎಂದು ನಿರ್ಭಿಡೆಯಿಂದ ಮಾತನಾಡುವ ಹರ್ಷಿಕಾರನ್ನು ಮಾತಿನ ಮೂಲಕವೇ 'ಕೊಡಗಿನ ಹುಡುಗಿ' ಎಂದು ಅರ್ಥೈಸಿಕೊಳ್ಳಬುಹುದು. (ಒನ್ ಇಂಡಿಯಾ ಕನ್ನಡ)