ರಾಹುಲ್ ಮಹಾಜನ್‌ ಪತ್ನಿ ಡಿಂಪಿಗೆ ಗರ್ಭಸ್ರಾವ

ಕಂದನ ನಿರೀಕ್ಷೆಯಲ್ಲಿದ್ದ ರಾಹುಲ್ ಮಹಾಜನ್‌ ಮತ್ತು ಡಿಂಪಿ ಗಂಗೂಲಿಗೆ ತೀವ್ರ ನಿರಾಶೆಯಾಗಿದೆ. ಇತ್ತೀಚೆಗಷ್ಟೇ ಗರ್ಭಿಣಿಯಾಗಿದ್ದ ಡಿಂಪಿ ಗಂಗೂಲಿಗೆ ಗರ್ಭಸ್ರಾವವಾಗಿದೆ. ಸದ್ಯಕ್ಕೆ ಮುಂಬೈನಲ್ಲಿ ಚೇತರಿಸಿಕೊಳ್ಳುತ್ತಿರುವ ಡಿಂಪಿ ಈ ಆಘಾತದಿಂದ ಹೊರಬರುವ ಪ್ರಯತ್ನದಲ್ಲಿದ್ದಾರೆ.

ಎನ್‌ಡಿಟಿವಿ ಇಮ್ಯಾಜಿನ್‌ನ ಜನಪ್ರಿಯ ರಿಯಾಲಿಟಿ ಶೋ ಸ್ವಯಂವರ (ಸೀಸನ್ 2) 'ರಾಹುಲ್ ದುಲ್ಹನಿಯಾ ಲೇ ಜಾಯೇಗಾ' ಮೂಲಕ ಇಬ್ಬರೂ ದಾಂಪತ್ಯ ಜೀವನಕ್ಕೆ ಅಡಿಯಿಟ್ಟಿದ್ದರು. ಈ ನೂತನ ದಂಪತಿಗಳು ಚೊಚ್ಚಿಲ ಕಂದನ ನಿರೀಕ್ಷೆಯಲ್ಲಿದ್ದರು.

ಕಳೆದ ಸೋಮವಾರವೇ ಡಿಂಪಿಗೆ ಗರ್ಭಸ್ರಾವವಾಗಿದ್ದು, ಈ ಸುದ್ದಿಯನ್ನು ಗೌಪ್ಯವಾಗಿಡಲಾಗಿತ್ತು. ಆದರೂ ಸುದ್ದಿ ಹೇಗೋ ಬಹಿರಂಗವಾಗಿದೆ. ಬಂಗಾಳಿ ಚಿತ್ರ 'ಹಲೋ ಮೇಮ್‌ಸಾಬ್'ನಲ್ಲಿ ಅಭಿನಯಿಸುತ್ತಿರುವ ಡಿಂಪಿ ಸೆಪ್ಟೆಂಬರ್‌ನಲ್ಲಿ ಪ್ರಚಾರಕ್ಕಾಗಿ ಕೋಲ್ಕತ್ತಾಗೆ ಹೋಗಬೇಕಾಗಿತ್ತು. ಈಗ ಆಕೆಯ ಪರಿಸ್ಥಿತಿ ಹೀಗಾಗಿರುವ ಕಾರಣ ಬಂಗಾಳಿ ಚಿತ್ರದ ಕತೆಯೂ ನೆನೆಗುದಿಗೆ ಬಿದ್ದಿದೆ. (ಏಜೆನ್ಸೀಸ್)