ಕನಸಿನ ಕನ್ಯೆ ಹೇಮಾ ಮಾಲಿನಿ ಬಂಗಲೆಗೆ ನುಗ್ಗಿದ ಚಿರತೆ

ಕನಸಿನ ಕನ್ಯೆ ಹಾಗೂ ಸಂಸದೆ ಹೇಮಾ ಮಾಲಿನಿ ಅವರ ಮುಂಬೈ ಬಂಗಲೆಗೆ ಇಂದು ಬೆಳ್ಳಂಬೆಳಗ್ಗೆಯೇ (ಮೇ.27) ಚಿರತೆಯೊಂದು ನುಗ್ಗಿದೆ. ಈ ಸುದ್ದಿ ತಿಳಿದ ತಕ್ಷಣ ಅರಣ್ಯ ಇಲಾಖೆ ಸಿಬ್ಬಂದಿ ಬೋನು ಸಮೇತ ಹೇಮಾ ಮಾಲಿನಿ ಬಂಗಲೆಗೆ ದೌಡಾಯಿಸಿದ್ದಾರೆ.

ಚಿರತೆ ಬಂಗಲೆಗೆ ನುಗ್ಗಿದಾಗ ಹೇಮಾ ಮಾಲಿನಿ ಅವರು ಮನೆಯಲ್ಲಿ ಇರಲಿಲ್ಲ. ಮುಂಬೈನ ದಿನ್‌‍ದೋಷಿ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ. ಘಟನೆಯ ವಿವರಗಳು ತಕ್ಷಣಕ್ಕೆ ಲಭ್ಯವಿಲ್ಲ. ಮಹಾರಾಷ್ಟ್ರ ಅರಣ್ಯ ಸಚಿವ ಪತಂಗರಾವ್ ಕದಂ ಅವರು ಹಿರಿಯ ಅರಣ್ಯ ಇಲಾಖೆ ಅಧಿಕಾರಿಗಳಿಂದ ಮಾಹಿತಿಯನ್ನು ಪಡೆಯುತ್ತಿದ್ದಾರೆ.

ಈ ಪುಂಡ ಚಿರತೆ ಬಲೆಗೆ ಬಿತ್ತೋ ಇಲ್ಲವೋ ಎಂಬ ಬಗ್ಗೆ ಸದ್ಯಕ್ಕೆ ಮಾಹಿತಿಯಿಲ್ಲ. ಸಂಪೂರ್ಣ ವಿವರಗಳಿಗಾಗಿ ನಿರೀಕ್ಷಿಸಲಾಗಿದೆ.ಈ ಪುಂಡ ಚಿರತೆ ಹೇಮಾ ಮಾಲಿನಿ ಅವರ ಮನೆಗೆ ಯಾಕೆ ನುಗ್ಗಿತು ಎಂಬ ಸಂದೇಹ ಅವರ ಅಭಿಮಾನಿಗಳನ್ನು ಕಾಡುತ್ತಿದೆ. (ಪಿಟಿಐ)