ಪುನೀತ್ ಸೂರಿ ಅಣ್ಣಾ ಬಾಂಡ್‌ಗೆ ಮುಹೂರ್ತ ಫಿಕ್ಸ್

ಈಗಾಗಲೆ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಜೊತೆ 'ಜಾಕಿ' ಚಿತ್ರ ನಿರ್ದೇಶಿಸಿದ್ದ ದುನಿಯಾ ಸೂರಿ ಈಗ ಅಣ್ಣಾ ಬಾಂಡ್ ಚಿತ್ರವನ್ನು ಕೈಗೆತ್ತಿಕೊಂಡಿದ್ದಾರೆ. ಈ ಚಿತ್ರಕ್ಕೆ ಅಕ್ಟೋಬರ್ 7ರಂದು ಮುಹೂರ್ತ ಫಿಕ್ಸ್ ಆಗಿದೆ. ಅಕ್ಟೋಬರ್ 10ರಿಂದ ರೆಗ್ಯುಲರ್ ಚಿತ್ರೀಕರಣ ಆರಂಭವಾಗಲಿದೆ.

ಚಿತ್ರದಲ್ಲಿ ಇಬ್ಬರು ನಾಯಕಿಯರು ಪ್ರಿಯಾಮಣಿ ಹಾಗೂ ನಿಧಿ ಸುಬ್ಬಯ್ಯ. ಸದ್ಯಕ್ಕೆ ಪುನೀತ್ 'ಪರಮಾತ್ಮ'ನ ಧ್ಯಾನದಲ್ಲಿದ್ದಾರೆ. ಯೋಗರಾಜ್ ಭಟ್ ನಿರ್ದೇಶನದ 'ಪರಮಾತ್ಮ' ಚಿತ್ರದ ಪ್ರಚಾರದಲ್ಲಿ ಬ್ಯುಸಿ ಬ್ಯುಸಿ. ಇದಾದ ಬಳಿಕ ಅವರು 'ಅಣ್ಣಾ ಬಾಂಡ್‌'ಗೆ ಪ್ರಾರಂಭಿಸಲಿದ್ದಾರೆ.

ಈ ಹಿಂದೆ ಪುನೀತ್ ಜೊತೆ 'ರಾಮ್' ಚಿತ್ರದಲ್ಲಿ ಪ್ರಿಯಾಮಣಿ ಅಭಿನಯಿಸಿದ್ದರು. 'ಅಣ್ಣಾ ಬಾಂಡ್' ಚಿತ್ರ ಪ್ರಿಯಾಗೆ ಎರಡನೆಯದು. ಪುನೀತ್ ಜೊತೆಗೆ ಇದೇ ಮೊದಲ ಬಾರಿಗೆ ನಿಧಿ ಸುಬ್ಬಯ್ಯ ಅಭಿನಯಿಸಲಿದ್ದಾರೆ. ಚಿತ್ರದ ಉಳಿದ ತಾರಾಗಣ, ತಾಂತ್ರಿಕ ಬಳಗದ ವಿವರಗಳು ಇನ್ನಷ್ಟೆ ಹೊರಬೀಳಬೇಕಾಗಿದೆ. (ದಟ್ಸ್‌ಕನ್ನಡ ಸಿನಿವಾರ್ತೆ)