ಟಾಪ್‌-5 : ಹಣ ಗಳಿಕೆಯಲ್ಲಿ ‘ಮುಂಗಾರು ಮಳೆ’ ಫಸ್ಟು!

ಬಾಕ್ಸಾಫೀಸ್‌ ರಿವ್ಯೂ ಪ್ರಕಾರ, 'ನೀಲಕಂಠ"ನ ಜನಪ್ರಿಯತೆ ಕುಸಿದಿದೆ, 'ಸಿರಿವಂತ"ನ ಅದೃಷ್ಟ ಚೆನ್ನಾಗಿದೆ!

1. ಮುಂಗಾರು ಮಳೆ : ಗಣೇಶನ ಮುಗುಳ್ನಗೆ, ಯೋಗರಾಜ ಭಟ್ಟರ ನಿರೂಪಣೆ, ಎಸ್‌. ಕೃಷ್ಣರ ಅದ್ಭುತ ಛಾಯಾಗ್ರಹಣ, ಮನೋಮೂರ್ತಿಯವರ ಸುಮಧುರ ಸಂಗೀತದ ಮಳೆಯಲ್ಲಿ ಜನರು ನೆನೆಯುತ್ತಾ , ಚಿತ್ರದ ಯಶಸ್ಸಿಗೆ ಕಾರಣರಾಗಿದ್ದಾರೆ. 'ಅಪ್ತಮಿತ್ರ" ಸೇರಿದಂತೆ ಇನ್ನಿತರ ಚಿತ್ರಗಳ ಬಾಕ್ಸಾಫೀಸ್‌ ದಾಖಲೆಗಳು 'ಮುಂಗಾರು ಮಳೆ"ಗೆ ಕೊಚ್ಚಿ ಹೋಗುವ ಸಂಭವವಿದೆ. ಚಿತ್ರರಂಗಕ್ಕೆ ತಂಪಾದ ಮಳೆ ನೀಡಿ, ಚಿತ್ರದ ನಿರ್ಮಾಪಕರು ಈಗಾಗಲೇ ಒಂದೂವರೆ ಕೋಟಿ ರೂ. ಗಳಿಸಿದ್ದಾರೆ.
   
2. 'ಜೊತೆಜೊತೆಯಲಿ" : ಸಾಮಾನ್ಯವಾಗಿ ನೂರು ದಿನ ಪೂರೈಸಿದ ನಂತರ ಚಿತ್ರಗಳು ಗಳಿಕೆಯಲ್ಲಿ ಹಿಂದೆ ಬೀಳುತ್ತದೆ. ಅದರೆ 'ಜೊತೆಜೊತೆಯಲಿ" ಚಿತ್ರ, 125 ದಿನಗಳನ್ನು ಪೂರೈಸಿದ ನಂತರ ಕೂಡ ಸ್ಪರ್ಧೆಯಲ್ಲಿ ಎರಡನೇ ಸ್ಥಾನದಲ್ಲಿದೆ.
   
3. ನೀಲಕಂಠ : ರಾಜ್ಯದ ಉತ್ತರ ಭಾಗದಲ್ಲಿ ಹೆಚ್ಚಿನ ಲಾಭಗಳಿಸಿದರೂ, ಒಟ್ಟಾರೆ ಸಾಧನೆ ಸಾಮಾನ್ಯ ಎನ್ನಬಹುದು. ರಾಜ್ಯದ ಎಲ್ಲೆಡೆ ಯಶಸ್ಸು ಗಳಿಸಲು ರವಿಚಂದ್ರನ್‌ ಅಭಿನಯದ 'ನೀಲಕಂಠ" ವಿಫಲವಾಗಿದೆ. ನಮಿತಾರ ಮೈಮಾಟದ ಮೋಡಿ ಇನ್ನೆಷ್ಟು ದಿನ ಚಿತ್ರವನ್ನು ಕಾಯುವುದೋ ನೋಡಬೇಕು!
   
4. ಸಿಕ್ಸರ್‌ : ಬಿಡುಗಡೆಯಾದ ಮೊದಲ ವಾರ ಭರ್ಜರಿ ಒಪನಿಂಗ್‌ ಪಡೆದ ನಂತರ, ಯಾಕೋ ಕೊಂಚ ಡಲ್‌ ಅಗಿದೆ. ಯುವ ಜನತೆಗೆ ಪ್ರಜ್ವಲ್‌ ದೇವರಾಜ್‌ ಅಭಿನಯ ತಕ್ಕ ಮಟ್ಟಿಗೆ ಇಷ್ಟ ವಾಗಿದೆ ಎಂಬುದು ಅಶಾದಾಯಕ ಸಂಗತಿ. ಉಳಿದಂತೆ ಗಳಿಕೆ ಸಾಮಾನ್ಯ ಮಟ್ಟದಲ್ಲಿದೆ.
   
5. ಸಿರಿವಂತ : ವಿಷ್ಣು ಅಭಿನಯದ ಈ ಚಿತ್ರ ಶತದಿನ ಪೂರೈಸಿದ ನಂತರವೂ, ಕೆಲಭಾಗದಲ್ಲಿ ಗಳಿಕೆಯಲ್ಲಿ ಉತ್ತಮ ಬೆಳವಣಿಗೆ ತೋರುತ್ತಿದೆ.ಈ ವಾರ ಬಿಡುಗಡೆ ಅದ 'ಅರಸು", 'ಪೂಜಾರಿ" ಚಿತ್ರಗಳ ಆರಂಭದ ದಿನದ ಗಳಿಕೆಗಳು ಆಶಾದಾಯಕವಾಗಿವೆ.