ಕವಿತಾ ಲಂಕೇಶ್ ಸಿನಿಮಾದಲ್ಲಿ ಸಚಿವ ಎಂ.ಪಿ.ಪ್ರಕಾಶ್!

ಬೆಂಗಳೂರು, ಜುಲೈ 27: ಇನ್ನೊಬ್ಬ ರಾಜಕಾರಣಿ, ಕನ್ನಡ ಚಿತ್ರರಂಗವನ್ನು ಪ್ರವೇಶಿಸುತ್ತಿದ್ದಾರೆ. ಅವರ ಹೆಸರು ಎಂ.ಪಿ.ಪ್ರಕಾಶ್!

ಕವಿತಾ ಲಂಕೇಶ್ ನಿರ್ದೇಶನದ ಮುಸ್ಸಂಜೆಚಿತ್ರದಲ್ಲಿ ಎಂ.ಪಿ.ಪ್ರಕಾಶ್ ಗೊಂದು ಮುಖ್ಯಪಾತ್ರವಿದೆ. ದುನಿಯಾ ವಿಜಯ್ ಚಿತ್ರದ ನಾಯಕ.ಹೊಸ ಹುಡುಗಿ ಸ್ಮಿತಾ ನಾಯಕಿ. ಈ ಚಿತ್ರದ ಇನ್ನೊಂದು ಪ್ರಮುಖ ಪಾತ್ರದಲ್ಲಿ ಶ್ರುತಿ ನಟಿಸಲಿದ್ದಾರೆ. ಆ.13ರಂದು ಚಿತ್ರ ಸೆಟ್ಟೇರಲಿದೆ.

ಅಪ್ಪಮಕ್ಕಳ ರಾಜಕಾರಣದ ಮಧ್ಯೆ ಜೆಡಿಎಸ್ ನಲ್ಲಿ ಪ್ರಕಾಶ್ ಗೆ ಕೆಲಸವಿಲ್ಲದಂತಾಗಿದೆ. ಹೀಗಾಗಿ ಅವರು ಸಿನಿಮಾ, ನಾಟಕ ಎಂದು ಸುತ್ತಾಡುತ್ತಿದ್ದಾರೆ ಎಂದು ಕಾಂಗ್ರೆಸ್ಸಿಗರು ಮುಸಿಮುಸಿ ನಗುತ್ತಿದ್ದಾರೆ.

(ದಟ್ಸ್ ಕನ್ನಡ ವಾರ್ತೆ)