ಭಾರತದ ಗಡಿ ದಾಟಿದ 'ಗೋವಿಂದಾಯ ನಮಃ'

ಕೋಮಲ್ ಮುಖ್ಯಭೂಮಿಕೆಯಲ್ಲಿರುವ 'ಗೋವಿಂದಾಯ ನಮಃ' ಚಿತ್ರ ಕೇವಲ ಕರ್ನಾಟಕವಷ್ಟೇ ಅಲ್ಲ ಭಾರತದ ಗಡಿಯನ್ನೂ ದಾಟಿದೆ. "ಪ್ಯಾರ್‌ಗೆ ಆಗ್‌ಬಿಟ್ಟೈತೆ" ಎಂದು ಈಗಾಗಲೆ ಯುವ ಜನಾಂಗದಲ್ಲಿ ಹುಚ್ಚೆಬ್ಬಿಸಿರುವ ಈ ಚಿತ್ರ ಮಾರ್ಚ್ 30ರಂದು ತೆರೆಕಾಣುತ್ತಿದೆ.

ಕರ್ನಾಟಕದಲ್ಲಿ ಸುಮಾರು 70 ಚಿತ್ರಮಂದಿರಗಳಲ್ಲಿ ಸೇರಿದಂತೆ ವಿದೇಶಗಳಲ್ಲೂ ಬಿಡುಗಡೆಯಾಗುತ್ತಿದೆ. ಯುಎಸ್‌ಎ, ಜರ್ಮನಿ, ಆಸ್ಟ್ರೇಲಿಯಾ, ಇಂಗ್ಲೆಂಡ್, ಕೆನಡಾ, ದುಬೈ, ಸಿಂಗಪುರ ಹಾಗೂ ಮಲೇಷ್ಯಾದಲ್ಲಿ ಬಿಡುಗಡೆಯಾಗುತ್ತಿದೆ ಎಂದು ಚಿತ್ರತಂಡ ತಿಳಿಸಿದೆ. [ವಿಡಿಯೋ]

ವಿಶಾಲ ಕರ್ನಾಟಕದ ವಿತರಣೆ ಹಕ್ಕುಗಳು ಸುರೇಶ್ ಆರ್ಟ್ಸ್ ಹೊಂದಿದ್ದರೆ, ಶಿವಮೊಗ್ಗ ಹಾಗೂ ಹೈದರಾಬಾದ್ ಕರ್ನಾಟಕದ ವಿತರಣೆ ಹಕ್ಕುಗಳು ಸೌಂದರ್ಯ ಲಹರಿ ಪಾಲಾಗಿವೆ. ಇನ್ನು ವಿದೇಶಿ ವಿತರಣೆ ಹಕ್ಕುಗಳನ್ನು ಡ್ರೀಮ್ ಹೈ ಸ್ಟುಡಿಯೋ ಹಾಗೂ ಕಸ್ತೂರಿ ಮೀಡಿಯಾ ಹೊತ್ತಿದೆ.

ಈ ಚಿತ್ರದಲ್ಲಿ ಕೋಮಲ್‍‌ ಜೊತೆ ನಾಲ್ಕು ಮಂದಿ ನಾಯಕಿಯರು ಅಭಿನಯಿಸಿದ್ದಾರೆ. ಮುಂಬೈ ಬೆಡಗಿ ಪಾರುಲ್, ಕನ್ನಡತಿ ರೇಖಾ, ಜಾರ್ಜಿಯಾ ಸುಂದರಿ ಆನಾ ಬಾರ್ಬರಾ ಹಾಗೂ ಮಧುಲಿಕಾ ಚಿತ್ರದ ನಾಯಕಿಯರು. ಗುರುಕಿರಣ್ ಸಂಗೀತವಿರುವ ಚಿತ್ರವನ್ನು ಪವನ್ ವಡೆಯರ್ ನಿರ್ದೇಶಿಸಿದ್ದಾರೆ. (ಒನ್‌ಇಂಡಿಯಾ ಕನ್ನಡ)