For Quick Alerts
ALLOW NOTIFICATIONS  
For Daily Alerts

ಮದುವೆಮನೆ ಆಗಲಿದೆ ಇನ್ನೊಂದು ಮುಂಗಾರು ಮಳೆ

|

ಗಾಂಧಿನಗರ ಸದ್ಯದಲ್ಲಿಯೇ 'ಮದುವೆ ಮನೆ' ಆಗಲಿದೆ. ಅದು ಮುಂದಿನ ತಿಂಗಳು 4 ರಿಂದ ಎಂದೂ ಗೊತ್ತಾಗಿದೆ. ಮದುವೆ ಮನೆ ಚಿತ್ರದ ಪತ್ರಿಕಾಗೋಷ್ಠಿ ಮತ್ತು ಹಾಡುಗಳ ಪ್ರದರ್ಶನ ಸಮಾರಂಭದಲ್ಲಿ ಮದುವೆ ಮನೆ ಚಿತ್ರದ ತಂಡದಲ್ಲಿದ್ದ ಆತ್ಮವಿಶ್ವಾಸ ಈ ಚಿತ್ರ ಸ್ಯಾಂಡಲ್ ವುಡ್ ನಲ್ಲಿ ಮದುವೆ ಮನೆ ವಾತಾವರಣ ಸೃಷ್ಟಿಸುವುದು ಗ್ಯಾರಂಟಿ ಎಂಬ ಘಂಟೆ ಭಾರಿಸಿದೆ. ನವೆಂಬರ್ ನಾಲ್ಕರಿಂದ ಕಪಾಲಿ ಹಾಗೂ ಇತರ ಚಿತ್ರಮಂದಿರಗಳು ಮದುವೆ ಮನೆ ಆಗಲಿವೆ.

ಅದರಲ್ಲೂ ಗೋಲ್ಡನ್ ಸ್ಟಾರ್ ಗಣೇಶ್ ಅವರಂತೂ ಮದುವೆ ಮನೆ ಬಗ್ಗೆ ಸಾಕಷ್ಟು ನಿರೀಕ್ಷೆ ಇಟ್ಟಿದ್ದಾರೆ. ಅದು ಅವರ ಮುಖದಲ್ಲಿ ಸ್ಷಷ್ಟವಾಗಿ ಕಾಣುತ್ತಿದ್ದರೂ ಮಾತಿನಲ್ಲಿ ಅದನ್ನು ಬಚ್ಚಿಟ್ಟುಕೊಂಡರು ಗಣೇಶ್. "ವೈಯಕ್ತಿಕವಾಗಿ ತುಂಬಾ ಖುಷಿ ಕೊಟ್ಟ ಚಿತ್ರ. ಈ ಚಿತ್ರ ಚೆನ್ನಾಗಿದೆ, ಎಲ್ಲರ ಪ್ರೋತ್ಸಾಹ ಬೇಕು" ಎಂಬ ಚುಟುಕು ನೀಡಿ ಮಾತನ್ನಾಡಲು ಉಳಿದವರಿಗೆ ಮೈಕ್ ಕೊಟ್ಟರು. ಆದರೆ ಉಳಿದವರು ತಮ್ಮ ಮಾತುಗಳಲ್ಲಿ ಗಣೇಶ್ ಅಭಿನಯದ ಮಗ್ಗೆ ಮೆಚ್ಚುಗೆಮಳೆ ಸುರಿಸಿಯೇ ಬಿಟ್ಟರು.

'ಯು' ಸರ್ಟಿಫಿಕೇಟ್ ಪಡೆದಿರುವ ಮದುವೆ ಮನೆ ಚಿತ್ರ ಸಾಕಷ್ಟು ಚೆನ್ನಾಗಿ ಮೂಡಿಬಂದಿದೆ ಎಂಬ ಚಿತ್ರ ನೋಡಿದವರ ಹೇಳಿಕೆ ಈಗ ಗುಟ್ಟಾಗಿ ಉಳಿದಿಲ್ಲ. ಗಣೇಶ್ ತಮ್ಮ ಕಳೆದುಹೋಗಿದ್ದ ಸ್ಟಾರ್ ಇಮೇಜನ್ನು ಈ ಚಿತ್ರದ ಮೂಲಕ ಮತ್ತೆ ಗಳಿಸಲಿದ್ದಾರೆ ಎಂಬುದು ಈಗ ಜಗಜ್ಜಾಹೀರು. ಗಣೇಶ್ ಪಾತ್ರ ಮತ್ತು ಅವರ ಅಭಿನಯ ಎರಡೂ ಭರ್ಜರಿಯಾಗಿದ್ದು ಇದು ಇನ್ನೊಂದು "ಮುಂಗಾರು ಮಳೆ" ಆಗುವ ಸೂಚನೆ ದಟ್ಟವಾಗಿದೆ. ಗಣೇಶ್ ಮುಖದಲ್ಲಿ ಮಿಂಚುತ್ತಿರುವ ಕಾಂತಿ, ಮೌನದಲ್ಲೇ ಎಲ್ಲವನ್ನೂ ಹೇಳುತ್ತಿದೆ.

ಚಿತ್ರತಂಡವಂತೂ ಆತ್ಮವಿಶ್ವಾಸದಿಂದ ಬೀಗುತ್ತಿದೆ. ಮದುವೆ ಮನೆಯನ್ನು ಮಾಡಿರುವ ರೆಹಮಾನ್ ಹಾಗೂ ಮದುವೆ ಊಟ ಬಡಿಸಲು ಸಿದ್ಧವಾಗಿರುವ ಕೆ. ಮಂಜು ಅವರಂತೂ ಸ್ಪಷ್ಟ ಮಾತುಗಳಲ್ಲಿ ಹೇಳಿದ್ದಾರೆ, ಮದುವೆ ಮನೆ ಮೈಲಿಗಲ್ಲು ಸ್ಥಾಪಿಸಲಿದೆ ಎಂದು. ಇನ್ನು ನಿರ್ದೇಶಕ ಸುನಿಲ್ ಕುಮಾರ್ ಸಿಂಗ್ ಭವಿಷ್ಯದ ನಿರ್ದೇಶಕ ಎನಿಸಿಕೊಳ್ಳಲಿದ್ದಾರಂತೆ. ಅಲ್ಲಿಗೆ ಸಿನಿಮಾಪ್ರಿಯರು ಭರ್ಜರಿ ಮದುವೆಯೂಟಕ್ಕೆ ರೆಡಿಯಾಗಬಹುದು. ಮದುವೆ ಮನೆ ಮರೆಯೊಲ್ಲ ತಾನೇ..!(ಒನ್ ಇಂಡಿಯಾ ಕನ್ನಡ)

English summary
Expected movie 'Maduve Mane' releasing on November 4. Golden star Ganesh and Shradha Arya in lead role. R Rehamana is producing this and releasing by producer K. Manju. 4th onwords Maduve Mane in theater. 
 

Kannada Photos

Go to : More Photos
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more