ತೆಲುಗಲ್ಲೂ ಗುರುಕಿರಣ್‌ ಸಂಗೀತ ಹಿಟ್‌ ಮೇಲೆ ಹಿಟ್‌!

ಗುರುಕಿರಣ್‌ ಈಗ ಕನ್ನಡದಲ್ಲಿ ಮಾತ್ರವಲ್ಲ, ತೆಲುಗಿನಲ್ಲೂ ಬೇಡಿಕೆಯುಳ್ಳ ಸಂಗೀತ ನಿರ್ದೇಶಕ! ಅವರು ಸಂಗೀತ ನೀಡಿದ ತೆಲುಗಿನ ‘ಮಹಾರಥಿ’ ಚಿತ್ರದ ಧ್ವನಿ ಸುರುಳಿಗಳಿಗೆ ಒಳ್ಳೆಯ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಆ ಮೂಲಕ ಗುರುಕಿರಣ್‌ ಎಂಟ್ರಿಗೆ ಭರ್ಜರಿ ಸ್ವಾಗತ ಸಿಕ್ಕಿದಂತಾಗಿದೆ.

ಬಾಲಕೃಷ್ಣ, ಸ್ನೇಹಾ, ಮೀರಾ ಜಾಸ್ಮಿನ್‌ ಅಭಿನಯದ ಈ ಚಿತ್ರದ ನಿರ್ದೇಶಕರು ಪಿ.ವಾಸು. ಆಂಧ್ರ ಪ್ರದೇಶದಲ್ಲಿ ಎಲ್ಲರ ಬಾಯಲ್ಲೂ ‘ಮಹಾರಥಿ’ ಚಿತ್ರದ ಹಾಡುಗಳು ನಲಿದಾಡುತ್ತಿವೆ. ಹಿಟ್‌ ಹಾಡುಗಳು ‘ಟಾಪ್‌ 5’ ಪಟ್ಟಿಯಲ್ಲಿ ಈ ಚಿತ್ರವೂ ಒಂದು.

‘ಮಹಾರಥಿ’ ಯಶಸ್ಸಿನಿಂದ ‘ಹೊಡಿ ಮಗ ಹೊಡಿ ಮಗ’ ಖ್ಯಾತಿಯ ಗುರುಕಿರಣ್‌ಗೆ ಆಂಧ್ರದಲ್ಲೂ ಮಾರುಕಟ್ಟೆ ಸೃಷ್ಟಿಯಾಗುವ ಲಕ್ಷಣಗಳು ಕಾಣಿಸುತ್ತಿವೆ. ಅಲ್ಲಿ ಮಾರುಕಟ್ಟೆ ಕುದುರಿದರೆ, ಕನ್ನಡ ಚಿತ್ರರಂಗ ಒಬ್ಬ ಸಂಗೀತ ನಿರ್ದೇಶಕನನ್ನು ಕಳೆದುಕೊಳ್ಳುತ್ತದೆ... !!!

ನಿಮ್ಮ ಅನಿಸಿಕೆ ಬರೆಯಿರಿ