ಹುಡುಗ ಹುಡುಗಿ ನಟಿ ಸೌಮ್ಯಾಗೆ ಚಾಕುವಿನಿಂದ ಇರಿತ

ತೀವ್ರವಾಗಿ ಗಾಯಗೊಂಡಿರುವ ಸೌಮ್ಯಾ ಅವರನ್ನು ಚಿಕಿತ್ಸೆಗಾಗಿ ಹೆಬ್ಬಾಳದ ಬ್ಯಾಪ್ಟಿಸ್ಟ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕೆಎಸ್‌ಆರ್‌ಪಿ ಕಾನಿಸ್ಟೇಬಲ್ ಆಗಿ ಕಿರಣ್ ಕುಮಾರ್ ಕಾರ್ಯನಿರ್ವಹಿಸುತ್ತಿದ್ದರು. ಸೌಮ್ಯ ಅವರಿಗೆ ಚಾಕುವಿನಿಂದ ಕತ್ತು ಮತ್ತ್ತು ಹೊಟ್ಟೆಗೆ ಇರಿದಿದ್ದಾನೆ ಎನ್ನಲಾಗಿದೆ.

ಯಲಹಂಕದಲ್ಲಿ ಮಂಗಳವಾರ (ನ.28) ಮಧ್ಯಾಹ್ನ ಈ ಘಟನೆ ನಡೆದಿದೆ. ಹಣಕಾಸು ವಿಚಾರದಲ್ಲಿ ಇಬ್ಬರ ನಡುವೆ ಮನಸ್ತಾಪ ಉಂಟಾಗಿ ಅದು ಹಲ್ಲೆಗೆ ದಾರಿ ಮಾಡಿಕೊಟ್ಟಿದೆ ಎಂಬ ಅನುಮಾನವನ್ನು ಟಿವಿ9 ವಾಹಿನಿ ವ್ಯಕ್ತಪಡಿಸಿದೆ. ಕಿರಣ್‌ಗೆ ಸೌಮ್ಯ ರು.3 ಲಕ್ಷ ಸಾಲ ಕೊಟ್ಟಿದ್ದರು ಎನ್ನುತ್ತವೆ ಮೂಲಗಳು. ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗಿದೆ. (ಸುದ್ದಿ ಮೂಲ: ಟಿವಿ9)