ಕ್ಯಾಲೆಂಡರ್ ಬೆಡಗಿ ಹರಿಪ್ರಿಯಾಗೆ ಹ್ಯಾಪಿ ಬರ್ತ್‌ಡೇ

ಹುಟ್ಟುಹಬ್ಬಕ್ಕೂ ಒಂದು ದಿನ ಮುನ್ನ ಹೊಸ ಚಿತ್ರಕ್ಕೆ ಸಹಿ ಹಾಕಿದ್ದಾರೆ ಹರಿಪ್ರಿಯಾ. ಚಿತ್ರದ ಹೆಸರು 'ಕಿಲಾಡಿ ಕಿಟ್ಟಿ'. ನಾಯಕ ನಟ ಶ್ರೀನಗರ ಕಿಟ್ಟಿ. ಈಕೆ ಅಭಿನಯದ ತೆಲುಗು ಚಿತ್ರ 'ಪಿಲ್ಲ ಜಮೀನ್ದಾರ್' ಹಾಗೂ ತಮಿಳೀನ 'ಮುರನ್‍‌' ಚಿತ್ರಕ್ಕೆ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಸದ್ಯಕ್ಕೆ ಹರಿಪ್ರಿಯಾ ಕೈಯಲ್ಲಿ ಕ್ಯಾಲೆಂಡರ್, ಸಾಗರ್, ನಂದೇ, ಸೂಪರ್ ಶಾಸ್ತ್ರಿ ಚಿತ್ರಗಳಿವೆ.

'ಕಿಲಾಡಿ ಕಿಟ್ಟಿ' ಚಿತ್ರದ ಸೆಟ್ಸ್‌ನಲ್ಲೆ ಅಡ್ವಾನ್ಸ್‌ಡ್ ಬರ್ತ್‌ಡೇ ಆಚರಿಸಿಕೊಂಡು ಸಂಭ್ರಮಿಸಿದ್ದಾರೆ. ಹರಿಪ್ರಿಯಾ ಅವರ ಪ್ರಕಾರ ಅವರು ಹುಟ್ಟಿದ್ದು 1991ರಲ್ಲಂತೆ. ಈ ಪ್ರಕಾರ ಅವರ ವಯಸ್ಸು ಇನ್ನೂ 20ರ ಹರೆಯ. ಸಿನಿಮಾ ತಾರೆಯರ ವಯಸ್ಸು, ಸಂಬಳ ಎರಡೂ ಕೇಳಬಾರದು ಎಂಬುದು ಲೇಟೆಸ್ಟ್ ಗಾದೆ. ಹಾಗಾಗಿ ಹರಿಪ್ರಿಯಾ ಹೇಳಿದ್ದನ್ನು ನಂಬೋಣ. ಹ್ಯಾಪಿ ಬರ್ತ್‌ಡೇ ಟು ಹರಿಪ್ರಿಯಾ. (ಒನ್‌ಇಂಡಿಯಾ ಕನ್ನಡ)