ರಮ್ಯಾಗೆ ಅಭಿಮಾನಿಯ ಮರೆಯಲಾಗದ ಉಡುಗೊರೆ

ಸಾಮಾನ್ಯವಾಗಿ ಯಾರಾದರೂ ಗಿಫ್ಟ್ ಕೊಟ್ಟರೆ ಅದು ನೂರ್ಕಾಲ ನೆನಪಿನಲ್ಲಿ ಉಳಿಯುವಂತಿರಬೇಕು. ಹಾಗೆಯೇ ಮತ್ತೆ ಮತ್ತೆ ಕಾಡುವಂತಿರಬೇಕು. ಆಗಲೇ ಗಿಫ್ಟ್ ಕೊಟ್ಟವರಿಗೂ ತೆಗೆದುಕೊಂಡವರಿಗೂ ಸಾರ್ಥಕ ಅನ್ನಿಸುತ್ತದೆ. ಈ ರೀತಿಯ ಗಿಫ್ಟ್ ಒಂದನ್ನು ಗೋಲ್ಡನ್ ಗರ್ಲ್ ರಮ್ಯಾಗೆ ಅಭಿಮಾನಿಯೊಬ್ಬರು ಕೊಟ್ಟಿದ್ದಾರೆ. ರಮ್ಯಾಗೆ ಕೊಟ್ಟ ಗಿಫ್ಟ್ ನೀವೂ ನೋಡಿ ಆನಂದಿಸಿ.

ಅವರು ರಮ್ಯಾಗೆ ಗಿಫ್ಟ್ ಕೊಡುತ್ತಿರುವುದು ಇದೇ ಮೊದಲಲ್ಲ. ಈ ಹಿಂದೆಯೂ ಅನೇಕ ಬಾರಿ ಉಡುಗೊರೆ ನೀಡಿ ರಮ್ಯಾರ ಮನ ಗೆದ್ದಿದ್ದಾರೆ. ರಮ್ಯಾರ ಮನಗೆದ್ದ ಅಪ್ಪಟ ಅಭಿಮಾನಿ ಹೆಸರು ಮೋಹನ್ ಪುಟ್ಟಗವಿರಂಗಪ್ಪ. ಇವರು ರಮ್ಯಾ ಅವರಿಗೆಂದೇ ವಿಶೇಷ ವಿಡಿಯೋವನ್ನು ಮಾಡಿ ಅವರಿಗೆ ಅರ್ಪಿಸಿದ್ದಾರೆ.

ಈ ವಿಡಿಯೋ ಮೋಹನ್ ಅವರ ಅಪ್ಪಟ ಅಭಿಮಾನಕ್ಕೆ ನಿದರ್ಶನ. ರಮ್ಯಾ ಬಗೆಗಿನ ಅವರ ಪರಿಕಲ್ಪನೆಗಳಿಗೆ ವಿಡಿಯೋ ರೂಪ ನೀಡಿದ್ದಾರೆ. ಇದು ಅವರ ಸ್ವಂತ ಪರಿಕಲ್ಪನೆಯಲ್ಲಿ ಮೂಡಿಬಂದಿರುವ ವಿಡಿಯೋ. ಅಂದಹಾಗೆ ಮೋಹನ್ ಖಾಸಗಿ ಜಾಹೀರಾತು ಕಂಪನಿಯಲ್ಲಿ ಗ್ರಾಫಿಕ್ ಡಿಸೈನರ್ ಆಗಿ ಕೆಲಸ ಮಾಡುತ್ತಿದ್ದಾರೆ.