Don't Miss!
- News ಮೋದಿ ಕಾರ್ಯಕ್ರಮಕ್ಕೆ ಚಕ್ಕರ್, ಮಠಗಳಿಗೆ ಭೇಟಿ ಕೊಟ್ಟು ಪ್ರಚಾರ ಆರಂಭಿಸಿದ ಕೆಎಸ್ ಈಶ್ವರಪ್ಪ!
- Sports IPL 2024: ಮುಂಬೈ ಇಂಡಿಯನ್ಸ್ ತಂಡ ಸೇರಿದ ಮಾಜಿ ನಾಯಕ: ಹಾಲಿ ನಾಯಕನ ಆತಂಕ ದೂರ
- Lifestyle ಫ್ಲ್ಯಾಟ್ನಲ್ಲಿ ವಾಸಿಸಲು ಹೋಗುವಾಗ ಸಮೃದ್ಧಿ, ಆರೋಗ್ಯಕ್ಕಾಗಿ ವಾಸ್ತು ಹೀಗಿದೆಯೇ ಎಂದು ನೋಡಬೇಕು
- Technology ಮಾರುಕಟ್ಟೆಗೆ ಎಂಟ್ರಿ ಕೊಟ್ಟ ಇನ್ಫಿನಿಕ್ಸ್ ನೋಟ್ 40 ಪ್ರೊ ಪ್ಲಸ್ 5G ಫೋನ್: ಫೀಚರ್ಸ್ ಹೇಗಿದೆ?
- Automobiles ಡಿ ಬಾಸ್ ಪತ್ನಿ ಖರೀದಿಸಿದ್ದು ಸಾಮಾನ್ಯ ಕಾರಲ್ಲ: ಬಂಗಲೆಯಂತಹ ಇಂಟೀರಿಯರ್!
- Finance ಭಾರತದಲ್ಲಿ ಚಿನ್ನದ ಬೆಲೆ ಇಳಿಕೆ, ನಿಮ್ಮ ನಗರದಲ್ಲಿ 24 ಕ್ಯಾರೆಟ್ ಚಿನ್ನದ ದರ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಲಯಾಳಂನಲ್ಲಿ ತೆನೆ ಹೊತ್ತ ಬೆಡಗಿ ಪೂಜಾಗಾಂಧಿ
ಪೂಜಾಗಾಂಧಿ ಕರ್ನಾಟಕದಲ್ಲಿ ಜೆಡಿಎಸ್ನ ತೆನೆ ಹೊರುತ್ತಿರುವುದು ಗೊತ್ತೇ ಇದೆ. ಈ ಹೊರೆಯ ಮೇಲೆ ಸಿನಿಮಾ ಹೊರೆಗಳನ್ನೂ ಹೊತ್ತು ಸಾಗುತ್ತಿದ್ದಾರೆ. ಇದು ಸಾಲದು ಎಂಬಂತೆ ಈಗ ಮಲಯಾಳಂನ ಮತ್ತೊಂದು ಹೊರೆಯನ್ನು ಕಂಕುಳಲ್ಲಿ ಎತ್ತಿಕೊಂಡಿದ್ದಾರೆ.
ಪೂಜಾಗಾಂಧಿ ಅಭಿನಯಿಸುತ್ತಿರುವ ಮಲಯಾಳಂ ಚಿತ್ರದ ಹೆಸರು ವಿಚಿತ್ರವಾಗಿದೆ. 'ಮ್ಯಾಡ್ ಡ್ಯಾಡಿ' ಎಂಬುದು ಚಿತ್ರದ ಹೆಸರು. ಈ ಚಿತ್ರದಲ್ಲಿ ಗ್ಲಾಮರ್ ಜೊತೆ ಅಭಿನಯಕ್ಕೂ ಸ್ಥಳಾವಕಾಶ ಇರುವ ಕಾರಣ ಚಿತ್ರಕ್ಕೆ ಸಹಿ ಹಾಕಿದ್ದೇನೆ ಎನ್ನುತ್ತಾರೆ ಪೂಜಾ.
'ಮ್ಯಾಡ್ ಡ್ಯಾಡಿ' ಚಿತ್ರದ ಬಳಿಕ ಮಲಯಾಳಂನಲ್ಲಿ ಇನ್ನೊಂದಷ್ಟು ನಿರ್ಮಾಪಕರು ಕಾಲ್ಶೀಟ್ ಹಿಡಿದು ಬಂದರಂತೆ. ಅವರಿಗೆಲ್ಲಾ ಪೂಜಾಗಾಂಧಿ ಕ್ಯಾರೆ ಅನ್ನಲಿಲ್ಲವಂತೆ. ಕನ್ನಡ ಚಿತ್ರಗಳಿಗಷ್ಟೇ ತಮ್ಮ ಪ್ರಾಮುಖ್ಯತೆ ಎಂದರಂತೆ.
ಇನ್ನೇನು ಬಿಡುಗಡೆಗೆ ಸಿದ್ಧವಾಗಿರುವ ದಂಡುಪಾಳ್ಯ ಚಿತ್ರದ ಬಗ್ಗೆ ಪೂಜಾಗಾಂಧಿ ಬಹಳಷ್ಟು ನಿರೀಕ್ಷೆಗಳನ್ನು ಇಟ್ಟುಕೊಂಡಿದ್ದಾರೆ. ತಮ್ಮ ಪಾತ್ರ ನಿಸ್ಸಂದೇಹವಾಗಿ ಪ್ರಶಸ್ತಿ ತಂದುಕೊಡುವಂತಹದ್ದು ಎಂಬ ವಿಶ್ವಾಸದಲ್ಲಿದ್ದಾರೆ. ಆದರೆ ಪ್ರಶಸ್ತಿಗಾಗಿಯೇ ಸಿನಿಮಾ ಎಂಬ ಅಭಿಪ್ರಾಯವನ್ನು ಸುತಾರಾಂ ಒಪ್ಪಲ್ಲ ಎನ್ನುವ ಅವರು ಗಿರೀಶ್ ಕಾಸರವಳ್ಳಿ ಚಿತ್ರದಲ್ಲಿ ಅಭಿನಯಿಸಬೇಕೆಂಬ ಆಸೆಯನ್ನೂ ಇಟ್ಟುಕೊಂಡಿದ್ದಾರೆ! (ಒನ್ಇಂಡಿಯಾ ಕನ್ನಡ)