ನಲ್ಲ ಸುದೀಪ್ ವಿಷ್ಣುವರ್ಧನ ಡಿಸೆಂಬರ್ 8ಕ್ಕೆ ತೆರೆಗೆ

ಸುದೀರ್ಘ ಸಮಯದಿಂದ ತಮ್ಮ ನೆಚ್ಚಿನ ನಟನ ಚಿತ್ರವನ್ನು ಎದುರು ನೋಡುತ್ತಿರುವ ನಲ್ಲ ಸುದೀಪ್ ಅಭಿಮಾನಿಗಳಿಗೆ ಈ ವಾರವೂ ನಿರಾಸೆ ಕಾದಿದೆ. ಏಕೆಂದರೆ ಅವರ ಬಹುನಿರೀಕ್ಷಿತ 'ವಿಷ್ಣುವರ್ಧನ' ಚಿತ್ರದ ಬಿಡುಗಡೆ ಒಂದು ವಾರ ಕಾಲ ಮುಂದೂಡಲ್ಪಟ್ಟಿದೆ.

ದ್ವಾರಕೀಶ್ ನಿರ್ಮಾಣದ ಈ ಚಿತ್ರ ಡಿಸೆಂಬರ್ 1ಕ್ಕೆ ತೆರೆಕಾಣ ಬೇಕಾಗಿತ್ತು. ಈಗಷ್ಟೇ ಸೆನ್ಸಾರ್ ಆಪರೇಷನ್ ಮುಗಿಸಿಕೊಂಡು ಬಂದಿರುವ 'ವಿಷ್ಣುವರ್ಧನ' ಚಿತ್ರಕ್ಕೆ ಯು/ಎ ಸರ್ಟಿಫಿಕೇಟ್ ಸಿಕ್ಕಿದೆ. ಚಿತ್ರವನ್ನು ಡಿಸೆಂಬರ್ 8ರಂದು ಬಿಡುಗಡೆ ಮಾಡುತ್ತಿರುವುದಾಗಿ ಯೋಗೀಶ್ ದ್ವಾರಕೀಶ್ ತಿಳಿಸಿದ್ದಾರೆ.

ತಮ್ಮ ಚಿತ್ರಕ್ಕೆ ಯು/ಎ ಪ್ರಮಾಣ ಪತ್ರ ಸಿಕ್ಕಿರುವುದಕ್ಕೆ ಸಂತಸವನ್ನೂ ವ್ಯಕ್ತಪಡಿಸಿದ್ದಾರೆ ಯೋಗೀಶ್. ಕುಮಾರ್ ನಿರ್ದೇಶನದ ಈ ಚಿತ್ರದಲ್ಲಿ ಇಬ್ಬರು ನಾಯಕಿಯರು ಭಾವನಾ ಹಾಗೂ ಪ್ರಿಯಾಮಣಿ. ಈಗಾಗಲೆ ಚಿತ್ರದ ಪ್ರೋಮೋಗಳು ಬಿಡುಗಡೆಯಾಗಿದ್ದು ಪ್ರೇಕ್ಷಕರಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆಯಂತೆ. (ಒನ್‌ಇಂಡಿಯಾ ಕನ್ನಡ)