ಹೊಸ ವರ್ಷದ 3ನೇ ಶುಕ್ರವಾರ 3 ಚಿತ್ರಗಳು ಬಿಡುಗಡೆ

ಬೀರ್ ಬಲ್

'ಬೀರ್ ಬಲ್' ಸಿನಿಮಾ ನಾಳೆ ಬಿಡುಗಡೆಯಾಗುತ್ತಿದೆ. ಈ ಸಿನಿಮಾ ಈಗಾಗಲೇ ಟ್ರೇಲರ್ ಮೂಲಕ ನಿರೀಕ್ಷೆ ಹುಟ್ಟು ಹಾಕಿದೆ. ಶ್ರೀನಿ ಇದೀಗ 'ಬೀರ್ ಬಲ್' ಕಥೆ ಹೇಳಿದ್ದಾರೆ. ಈ ಸಿನಿಮಾದಲ್ಲಿ ಅವರೇ ಹೀರೋ ಆಗಿದ್ದಾರೆ. ರುಕ್ಮಿಣಿ ಇಲ್ಲಿ ಶ್ರೀನಿಗೆ ಜೋಡಿಯಾಗಿ ಕಾಣಿಸಿಕೊಂಡಿದ್ದಾರೆ. 'ಚಮಕ್' ಹಾಗೂ 'ಅಯೋಗ್ಯ' ಬಳಿಕ ಚಂದ್ರಶೇಖರ್ ಈ ಸಿನಿಮಾವನ್ನು ನಿರ್ಮಾಣ ಮಾಡಿದ್ದಾರೆ.

ಮುಖ್ಯ ಚಿತ್ರಮಂದಿರ : ಅನುಪಮಾ

ಗಿಣಿ ಹೇಳಿದ ಕಥೆ

ಬುದ್ಧ ಚಿತ್ರಾಲಯ ಅಡಿಯಲ್ಲಿ ನಿರ್ಮಾಣ ಮಾಡಿರುವ ದೇವ ರಂಗಭೂಮಿ ನಾಯಕನಾಗಿ ನಟಿಸಿರುವ 'ಗಿಣಿ ಹೇಳಿದ ಕಥೆ' ನಾಳೆ ಬಿಡುಗಡೆಯಾಗುತ್ತಿದೆ. ನಾಗರಾಜ ಉಪ್ಪುಂದ ನಿರ್ದೇಶನವಿರುವ ಈ ಚಿತ್ರದಲ್ಲಿ ಗೀತಾಂಜಲಿ ನಾಯಕಿಯಾಗಿ ನಟಿಸಿದ್ದಾರೆ. ಮಾಲತೇಶ್, ವಿನಯ್ ನಿನಾಸಂ, ಫೈರೋಜ್ ಹಾಗೂ ನೀತು ಮುಂತಾದವರು ಫೋಷಕ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಮುಖ್ಯ ಚಿತ್ರಮಂದಿರ : ಪ್ರಸನ್ನ

#10Years ಚಾಲೆಂಜ್ ಸ್ವೀಕರಿಸಿದ ತಾರೆಯರು: ಹತ್ತು ವರ್ಷಗಳ ಹಿಂದೆ ಇವರೆಲ್ಲ ಹೇಗಿದ್ರು.?

ಲಾಕ್

ಈ ವಾರ ಬಿಡುಗಡೆಯಾಗಿರುವ ಸಿನಿಮಾಗಳ ಪೈಕಿ 'ಲಾಕ್' ಸಿನಿಮಾ ಕೂಡ ಒಂದಾಗಿದೆ. ಪರಶುರಾಮ್ ಕಥೆ ಬರೆದು ಈ ಸಿನಿಮಾದ ನಿರ್ದೇಶನ ಮಾಡಿದ್ದಾರೆ. ನಟ ಶಶಿಕುಮಾರ್, ಅವಿನಾಶ್ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ. ಇದೊಂದು ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾವಾಗಿದೆಯಂತೆ.

ಮುಖ್ಯ ಚಿತ್ರಮಂದಿರ : ತ್ರಿವೇಣಿ

ಯಾವ ಸಿನಿಮಾ ನೋಡ್ತಿರಾ?

'ಬೀರ್ ಬಲ್', 'ಗಿಣಿ ಹೇಳಿದ ಕಥೆ' ಹಾಗೂ 'ಲಾಕ್' ಸಿನಿಮಾಗಳ ಪೈಕಿ ನಾಳೆ ನೀವು ನೋಡಲು ಬಯಸುವ ಸಿನಿಮಾ ಯಾವುದು? ಹಾಗೂ ಈ ಸಿನಿಮಾಗಳ ಬಗ್ಗೆ ನಿಮ್ಮ ಅಭಿಪ್ರಾಯ ಏನು ಎನ್ನುವುದನ್ನು ಕೆಳಗಿನ ಕಮೆಂಟ್ ಬಾಕ್ಸ್ ಮೂಲಕ ನಮಗೆ ತಿಳಿಸಿ.