ಧನುಷ್ 'ಕೊಲಾವರಿ...ಡಿ' ಹಾಡು ದಾಖಲೆಯ ವೀಕ್ಷಣೆ

ಈ ಹಾಡಿಗೆ ಬಂದಿರುವ ಒಟ್ಟು ವ್ಯೂಸ್ 10,559,994. ನಾವು ದಾಖಲಿಸುವಷ್ಟರಲ್ಲಿ ಅದು ಇನ್ನಷ್ಟು ಹೆಚ್ಚಾಗಿರುತ್ತದೆ. ನವೆಂಬರ್ 16 ರ ಒಳಗೆ ಬಂದಿರುವುದು ಮಾತ್ರ ಆಫೀಶಿಯಲ್. ನಂತರ ಹಿಂದಿನ ಬಾಗಿಲಿನಿಂದ ಬಂದಂಥವು. ಏನೇ ಆಗಲಿ, ಈಗ ಚಿತ್ರದಲ್ಲಿ ಈ ಹಾಡನ್ನು ವಿಶೇಷವಾಗಿ ಗಮನಿಸಲಿರುವುದು ಗ್ಯಾರಂಟಿ.

ಈ ಜನಪ್ರಿಯ ಹಾಡು ಬರಲಿರುವ ತಮಿಳು ಚಿತ್ರ '3' ಯದ್ದು. ಇದನ್ನು ಧನುಷ್ ಪತ್ನಿ, ರಜನಿ ಮಗಳು 'ಐಶ್ವರ್ಯ ಧನುಷ್' ನಿರ್ದೇಶಿಸುತ್ತಿದ್ದಾರೆ. ಧನುಷ್ ಬರೆದಿರುವ ಈ ಹಾಡಿಗೆ ತಮಿಳು ಉದಯೋನ್ಮುಖ ಸಂಗೀತ ನಿರ್ದೇಶಕ ಅನಿರುದ್, ಸಂಗೀತ ಸಂಯೋಜನೆ ಮಾಡಿದ್ದಾರೆ. ಸಿನಿಮಾ ಬಂದಮೇಲೆ ಇನ್ನೇನೇನು ದಾಖಲೆ ಬರೆಯಲಿದೆಯೋ... (ಏಜೆನ್ಸೀಸ್)