Don't Miss!
- News ಕಾಂಗ್ರೆಸ್ ಜನರಿಗೆ ಹೋಲ್ಸೆಲ್ ಮೋಸ ಮಾಡುತ್ತಿದೆ: ಮಾಜಿ ಸಿಎಂ
- Sports ಲಾರೆಸ್ ವರ್ಲ್ಡ್ ಸ್ಪೋರ್ಟ್ಸ್ ಅವಾರ್ಡ್ಸ್ನಲ್ಲಿ ವಿರಾಟ್ ಕೊಹ್ಲಿಯ 50ನೇ ಏಕದಿನ ಶತಕ!
- Lifestyle UPSCಯಲ್ಲಿ 2ನೇ ರ್ಯಾಂಕ್ ಗಳಿಸಿದ ಸಾಧಕನ ಡ್ಯಾನ್ಸ್ ವೀಡಿಯೋ ವೈರಲ್: ಇವರ ಬದುಕಿನಲ್ಲಿ ನಡೆದಿದೆ ಹಲವು ದುರಂತಗಳು
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಟಿ ಪ್ರಿಯಾಂಕಾ ಚಂದ್ರ ಗೌರಿ-ಗಣೇಶ ಹಬ್ಬದ ಸಂಭ್ರಮ
ಈಗಾಗಲೇ ನಾಯಕಿಯಾಗಿ ಕನ್ನಡ ಹಾಗೂ ತಮಿಳು ಚಿತ್ರರಂಗದಲ್ಲಿ ಹೆಸರು ಮಾಡಿರುವ ನಟಿ ಪ್ರಿಯಾಂಕಾ ಚಂದ್ರ ಮನೆಯಲ್ಲಿ ಗೌರಿ-ಗಣೇಶ ಹಬ್ಬವನ್ನು ಹೇಗೆ ಆಚರಿಸುತ್ತಾರೆ ಎಂಬ ಕುತೂಹಲದಿಂದ ಕೇಳಿದಾಗ ಅವರಿಂದ ಬಂದ ಉತ್ತರ ಇಲ್ಲಿದೆ...
"ಹಬ್ಬದ ದಿನಕ್ಕೆ ಮೂರು ದಿನ ಮುಂಚೆ ಹಬ್ಬದ ವಾತಾವರಣ ನಿರ್ಮಾಣವಾಗುತ್ತೆ. ಹಬ್ಬಕ್ಕೆ ಬೇಕಾಗುವ ಸಾಮಾನುಗಳು ಹಾಗೂ ನಮಗೆ ಬೇಕಾಗುವ ಬಟ್ಟೆ-ಬರೆಗಳನ್ನೆಲ್ಲಾ ಅಂಗಡಿಯಿಂದ ಅಂಗಡಿಗೆ ಸುತ್ತಾಡಿ ಖರೀದಿ ಮಾಡುತ್ತೇವೆ. ಹೂವು, ಹಣ್ಣು, ಸಿಹಿತಿಂಡಿಗಳ ಖರೀದಿ ಜಾಸ್ತಿ.
ಹಬ್ಬದ ಹಿಂದಿನ ದಿನ ಗೌರಿ-ಗಣೇಶನನ್ನು ತರುವಾಗ ಮನೆಯವರೆಲ್ಲ ಒಟ್ಟಿಗೆ ಹೋಗುತ್ತೇವೆ. ರೇಷ್ಮೆ ಸೀರೆಯುಟ್ಟು, ಆಭರಣ ತೊಟ್ಟು ಅಲಂಕಾರ ಮಾಡಿಕೊಂಡ ನಾವು ಬಹುಶಃ ಗೌರಿಯಂತೆ ಕಾಣಿಸಬಹುದು. ಅಕ್ಕಿ ತುಂಬಿದ ತಟ್ಟೆಯಲ್ಲಿ ತಂದಿರುವ ಗೌರಿ-ಗಣೇಶನಿಗೆ ಅರಿಶಿಣ-ಕುಂಕುಮ ಬೆರೆಸಿದ ನೀರಿನಲ್ಲಿ ದೀಪ ಇಟ್ಟು ಆರತಿ ಎತ್ತಿ ಮನೆಯೊಳಗೆ ಬರಮಾಡಿಕೊಳ್ಳುತ್ತೇವೆ.
ಸಾಯಂಕಾಲ ಇಬ್ಬರಿಗೂ ಒಟ್ಟಿಗೆ ಪೂಜೆ ಮಾಡುತ್ತೇವೆ. (ಅಮ್ಮ-ಮಗನಿಗೆ ಬೇರೆ ಬೇರೆ ಪೂಜೆ ಮಾಡಿದರೆ ಕೋಪ ಬರುಬಹುದಲ್ಲ!). ಈ ರಾತ್ರಿಯ ಪೂಜೆಗೆ ಮಾರ್ಕೆಟ್ ನಿಂದ ತಂದಿರುವ ಹೂವು-ಹಣ್ಣು-ಸ್ವೀಟ್ಸ್ ಮಾತ್ರ ಉಪಯೋಗಿಸುತ್ತೇವೆ.
ತಡರಾತ್ರಿಯವರೆಗೂ ಗೌರಿ-ಗಣೇಶನನ್ನು ನೋಡುತ್ತಾ ನಿದ್ದೆ ಮಾಡುವುದನ್ನೇ ಮರೆಯುತ್ತೇವೆ. ಏಕೆಂದರೆ ಮನೆಯವರೆಲ್ಲ ಹೇಳಿದರೂ ನಾನು ಚಿಕ್ಕ ಗೌರಿ-ಗಣೇಶ ಮೂರ್ತಿಯನ್ನು ತರಲು ಸುತಾರಾಂ ಒಪ್ಪುವುದಿಲ್ಲ, ದೊಡ್ಡದೇ ಬೇಕೆಂದು ಹಟ ಹಿಡಿಯುತ್ತೇನೆ. ಹಾಗಾಗಿ ನಾನು ಇಷ್ಟಪಟ್ಟು ತಂದಿರುವುದರಿಂದ ಎಷ್ಟು ಸಾರಿ ನೋಡಿದರೂ ಮತ್ತೆ ಮತ್ತೆ ನೋಡಬೇಕೆನಿಸುತ್ತದೆ.
ಮರುದಿನ
ಅವರು
ಗಣೇಶ
ಹಬ್ಬ
ಹೇಗೆ
ಆಚರಿಸುತ್ತಾರೆ
ಎಂಬುದು
ಮುಂದಿನ
ಪುಟದಲ್ಲಿದೆ,
ನೋಡಿ...