ಡೈಲಾಗ್ ಕಿಂಗ್ ಸಾಯಿಕುಮಾರ್ ಖೋಜಾ?

ಡೈಲಾಗ್ ಕಿಂಗ್ ಸಾಯಿಕುಮಾರ್ ಹೆಸರು ಕೇಳಿದರೆ ಸಾಕು, ಕನ್ನಡ ಪ್ರೇಕ್ಷಕರ ಮೈ ರೋಮಾಂಚನವಾಗುತ್ತದೆ. ಕಾರಣ ಪೊಲೀಸ್ ಹಾಗೂ ವಿಲನ್ ಪಾತ್ರಗಳಲ್ಲಿ ಕೇಳಿಬರುತ್ತಿದ್ದ ಅವರ ಗಂಡು ಧ್ವನಿ ಹಾಗೂ ಡೈಲಾಗ್ ಡೆಲಿವರಿ ಶೈಲಿ. ಅವರನ್ನು ಹುಡುಕಿಕೊಂಡು ಸಾಲಿ ಸಾಲು ಪೊಲೀಸ್ ಪಾತ್ರಗಳೇ ಬಂದವು. ಸಾಯಿಕುಮಾರ್ ಅಂದರೆ ಕನ್ನಡಿಗರಿಗೆ ಪೊಲೀಸ್.

ಈದೀಗ ನಿಮಗ ಹೊಸ ಸುದ್ದಿ. ಇದುವರೆಗೆ ಪೊಲೀಸ್ ಪಾತ್ರಗಳಲ್ಲೇ ಗಟ್ಟಿತನ ತೋರಿಸಿದ್ದ ಡೈಲಾಗ್ ಕಿಂಗ್ ಸಾಯಿಕುಮಾರ್ ಮಡಿಲಿಗೆ ಅದ್ಭುತ ನಟನೆಗೆ ಅವಕಾಶವಿರುವ ಪಾತ್ರವೊಂದು ಬಿದ್ದಿದೆ. ರಿಯಲ್ ಸ್ಟಾರ್ ಉಪೇಂದ್ರ ನಾಯಕರಾಗಿರುವ 'ಕಲ್ಪನಾ' ಹಾರರ್ ಚಿತ್ರದಲ್ಲಿ ಅವರು ಖೋಜಾ ಪಾತ್ರ ಮಾಡಲಿದ್ದಾರೆ.

ರಾಘವ ಲಾರೆನ್ಸ್ ನಿರ್ದೇಶಿಸಿ-ನಟಿಸಿದ್ದ 'ಕಾಂಚನಾ' ಕನ್ನಡದಲ್ಲಿ ನಿರ್ಮಾಣವಾಗುತ್ತಿರುವುದು ಈಗ ಹಳೇ ಸುದ್ದಿ. ಅಲ್ಲಿ ನಾಯಕಿಯಾಗಿದ್ದ ಕನ್ನಡದ ಹುಡುಗಿ ಲಕ್ಷ್ಮಿ ರೈ, ಇಲ್ಲೂ ನಾಯಕಿ. ಆದರೆ ಶೀರ್ಷಿಕೆಯ ಹೆಸರಿನ ಪಾತ್ರದಲ್ಲಿ ಅಭಿನಯಿಸಿದ್ದ ಶರತ್ ಕುಮಾರ್ ಬದಲಿಗೆ ಇಲ್ಲಿ ಸಾಯಿ ಕುಮಾರ್ ಅವರನ್ನು ಆರಿಸಲಾಗಿದೆ. ಮುಂದಿನ ಪುಟ ನೋಡಿ...