ಶೂಟಿಂಗ್‌ಗಾಗಿ ಹಂಪೆಗೆ ಬರಲಿದ್ದಾರೆ ಸಲ್ಮಾನ್ ಖಾನ್

ವಿಶ್ವ ಖ್ಯಾತಿಯ ಐತಿಹಾಸಿಕ ತಾಣ ಹಂಪೆಗೆ ಬಾಲಿವುಡ್ ನಟ ಸಲ್ಮಾನ್ ಖಾನ್ ಆಗಸ್ಟ್ 15ರಂದು ಬರಲಿದ್ದಾರೆ. ಒಟ್ಟು 15 ದಿನಗಳ ಕಾಲ ಸಲ್ಲು ಭಾಯ್ ಕ್ಯಾಂಪ್ ಮಾಡುತ್ತಿರುವುದು ವಿಶೇಷ. ಚಿತ್ರೀಕರಣಕ್ಕಾಗಿ ಈಗಾಗಲೆ ಕರ್ನಾಟಕ ಸರ್ಕಾರ ಪ್ರವಾಸೋದ್ಯಮ ಇಲಾಖೆ ಅನುಮತಿ ನೀಡಿದೆ.

ಇನ್ನೂ ಹೆಸರಿಡದ ತಮ್ಮ ಮುಂದಿನ ಚಿತ್ರಕ್ಕಾಗಿ ಸಲ್ಲು ಹಂಪೆಗೆ ಆಗಮಿಸುತ್ತಿರುವುದು ವಿಶೇಷ.ಕಮಲ ಮಹಲ್, ಆನೆಗೊಂದಿ, ಪುರಂದರ ಮಂಟಪ, ಹೇಮಕೂಟ ಮುಂತಾದ ಕಡೆ ಚಿತ್ರೀಕರಣ ನಡೆಯಲಿದೆ. ಈ ಹಿಂದೆಯೂ ಹಲವಾರು ಚಿತ್ರಗಳ ಚಿತ್ರೀಕರಣ ಹಂಪೆಯಲ್ಲಿ ನಡೆದಿದೆ.

ಈ ಹಿಂದೊಮ್ಮೆ ಜಾಕಿಚಾನ್ ಹಾಗೂ ಅಮಿತಾಬ್ ಬಚ್ಚನ್ ಹಾಗೂ ತೆಲುಗು ನಟ ನಾಗಾರ್ಜುನ ಮುಖ್ಯಭೂಮಿಕೆಯಲ್ಲಿದ್ದ 'ಅಗ್ನಿ ವರ್ಷ' ಚಿತ್ರಕ್ಕಾಗಿ ಆಗಮಿಸಿದ್ದರು. ಜೂನಿಯರ್ ಎನ್ಟಿಆರ್ ಅಭಿನಯದ ತೆಲುಗಿನ ಇತ್ತೀಚಿನ ಶಕ್ತಿ ಚಿತ್ರೀಕರಣವೂ ಇಲ್ಲಿ ನಡೆದಿತ್ತು. (ದಟ್ಸ್‌ಕನ್ನಡ ಸಿನಿವಾರ್ತೆ)