twitter
    For Quick Alerts
    ALLOW NOTIFICATIONS  
    For Daily Alerts

    ಮದುವೆ ಹಾಡಿನ ಸಂಭ್ರಮದಲ್ಲಿ 'ಹೋರಿ'

    By Staff
    |

    ಚಿತ್ರೋದ್ಯಮದಲ್ಲಿ ಪಾಂಡು ಎಂದೇ ಹೆಸರಾದ ನಿರ್ದೇಶಕ ನಾಗೇಂದ್ರ ಮಾಗಡಿ ಇತ್ತೀಚೆಗೆ ಟಾಟಾ ಬಿರ್ಲಾ, ಹನಿಮೂನ್ ಎಕ್ಸ್‌ಪ್ರೆಸ್‌ನಂತಹ ಕಾಮಿಡಿ ಚಿತ್ರಗಳನ್ನು ನಿರ್ದೇಶಿಸಿದ್ದರು. ಈಗ ಆಕ್ಷನ್-ಕಾಮಿಡಿ ಮಿಶ್ರಿತ 'ಹೋರಿ'ಎಂಬ ಹೆಸರಿನ ಚಿತ್ರವನ್ನು ಕೈಗೆತ್ತಿಕೊಂಡಿದ್ದಾರೆ.

    ಈ ಚಿತ್ರದಲ್ಲಿ ಟೈಗರ್ ಪ್ರಭಾಕರ್ ಅವರ ಪುತ್ರ ವಿನೋದ್ ಪ್ರಭಾಕರ್ ನಾಯಕನಾಗಿ ಅಭಿನಯಿಸುತ್ತಿದ್ದಾರೆ. ಈಗಾಗಲೇ ಬೆಂಗಳೂರು ಸುತ್ತಮುತ್ತ ಈ ಚಿತ್ರಕ್ಕೆ ಭರದಿಂದ ಚಿತ್ರೀಕರಣ ನಡೆಯುತ್ತಿದ್ದು, ಕಳೆದ ವಾರ ಬೆಂಗಳೂರು ಹೊರವಲಯದ ನಿಸರ್ಗ ಹೌಸ್‌ನಲ್ಲಿ ನಾಯಕಿ ರಮಣೀತೋ ಚೌಧರಿ, ಹರೀಶ್ ರಾಜ್, ಹಾಗೂ 30 ಜನ ನೃತ್ಯ ಕಲಾವಿದರ ಅಭಿನಯದಲ್ಲಿ ಮದುವೆ ಸಂಭ್ರಮದ ಹಾಡೊಂದನ್ನು 4 ದಿನಗಳ ಕಾಲ ಚಿತ್ರೀಕರಿಸಲಾಯಿತು.

    ಚಿತ್ರದ 6 ಹಾಡುಗಳಿಗೆ ರೇಣುಕುಮಾರ್ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಎಂ.ಆರ್. ಸೀನು ಅವರ ಛಾಯಾಗ್ರಹಣ, ಕೆ. ರಾಮನಾರಾಯಣ್ ಅವರ ಸಾಹಿತ್ಯ, ರವಿವರ್ಮರ ಸಾಹಸ ಸಂಯೋಜನೆ ಈ ಚಿತ್ರಕ್ಕಿದ್ದು, ಬಹಳ ದಿನಗಳಿಂದ ಒಂದು ಸದಭಿರುಚಿಯ ಚಿತ್ರ ನಿರ್ಮಿಸುವ ಆಸೆ ಹೊತ್ತಿದ್ದ ಲಿಂಗೇಗೌಡರು ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ನಾಗೇಂದ್ರ ಮಾಗಡಿ ಅವರ ಚಿತ್ರಕಥೆ ಹಾಗೂ ನಿರ್ದೇಶನ ಇದ್ದು, ಪಲ್ಲಕ್ಕಿ, ಪಯಣ ಚಿತ್ರಗಳಲ್ಲಿ ಅಭಿನಯಿಸಿದ ಬೊಗಸೆ ಕಣ್ಣುಗಳ ಚೆಲುವೆ ರಮಣೀತೋ ಚೌಧರಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ.

    (ದಟ್ಸ್ ಕನ್ನಡ ಚಿತ್ರವಾರ್ತೆ)

    Tuesday, June 30, 2009, 17:52
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X