»   » ಪಾ.ಪ.ಪಾಂಡುವಿನಲ್ಲಿ ಎರಡು ಟ್ವಿಸ್ಟು

ಪಾ.ಪ.ಪಾಂಡುವಿನಲ್ಲಿ ಎರಡು ಟ್ವಿಸ್ಟು

Posted By: Staff
Subscribe to Filmibeat Kannada

ನಿತ್ಯ ಒಂದೊಂದು ನಗೆ ಶೀರ್ಷಿಕೆಯಾಟ್ಟಿಗೆ ಹಾಸ್ಯದ ರನ್ನುಗಳ ಹೊಡೆಯುತ್ತಾ ಈಗ 5 ಶತಕಕ್ಕೆ ಇನ್ನು 20 ಕಂತು ಮಾತ್ರ ಬಾಕಿ ಉಳಿಸಿಕೊಂಡಿರುವ ಪಾ.ಪ.ಪಾಂಡು ಧಾರಾವಾಹಿಯದ್ದು 'ಲಿಮ್ಕಾ" ದಾಖಲೆಯ ಆಟ. ಈ ಪರಿಯ ಯಾವ ನಗೆ ಧಾರಾವಾಹಿಯೂ 5 ಶತಕ ಬಾರಿಸಿಲ್ಲ. ಯೋಚನೆ ಮಾಡಬೇಡಿ, ಪಾಂಡು 5 ಶತಕ ಹೊಡೆಯುವ ಮುನ್ನ ಸುತಾರಾಂ ಔಟಾಗೋದಿಲ್ಲ. ಬದಲಿಗೆ ಆಟದ ವರಸೆಯಲ್ಲಿ ಹೊಸ ಟ್ವಿಸ್ಟು ಕೊಡುತ್ತಿದ್ದೇವೆ ಅಂತ ಸಿಹಿಕಹಿ ಚಂದ್ರು ಬಾಯಿತುಂಬಾ ನಗುತ್ತಿದ್ದರು.

ಈಟಿವಿಯ ಟ್ರಂಪ್‌ಕಾರ್ಡ್‌ ಧಾರಾವಾಹಿ ಪಾ.ಪ.ಪಾಂಡುವಿನಲ್ಲೀಗ ಅನಿರೀಕ್ಷಿತ ತಿರುವು; ಒಂದಲ್ಲ ಎರಡು. ಪಾಂಡುವಿನ ಪೊರೆಯಲು ಈಗೊಂದು ಶಕ್ತಿ ಬೇಕು. ಆ ಶಕ್ತಿ 'ರಾಮುತಾತ"ನ ರೂಪದಲ್ಲಿ ಅವತರಿಸಲಿದೆ. ಮಾತಿನಮಲ್ಲ ಮಾಸ್ಟರ್‌ ಹಿರಣ್ಣಯ್ಯ ರಾಮುತಾತನಾಗಿ ಪಾಂಡು ಬಳಗ ಸೇರಿಕೊಳ್ಳಲಿದ್ದಾರೆ. ಈ ತಾತನ ಕೈಲೊಂದು ಮಾಂತ್ರಿಕ ಚಾವಿ. ಅದನ್ನು ಕುಟ್ಟಿದರೆ ಫಟ್ಟನೊಂದು ಐಡಿಯಾ. ಇದು ರಾಮು ತಾತನ ಶಕ್ತಿ.

Pa.Pa.Pandu
ಹೆಂಡತಿ ಪಾಚುವಿನಿಂದ ಪದೇಪದೇ ಬಾಲ್ಕನಿಯಿಂದ ನೂಕಿಸಿಕೊಂಡು ಹೈರಾಣಾಗಿರುವ ಪಾ.ಪ.ಪಾಂಡು ಸದ್ಯದಲ್ಲೇ ಅಪ್ಪ ಆಗಲಿದ್ದಾನೆ. ಅರ್ಥಾತ್‌ ಪಾಚು ಗಂಡು ಮಗುವಿಗೆ ಜನ್ಮ ಕೊಡಲಿದ್ದಾಳೆ. ಆ ಮಗು ಪಾಚು ಪರವೋ, ಪಾಂಡು ಪರವೋ ಅನ್ನೋದು ಸಸ್ಪೆನ್ಸು .

ನಿತ್ಯವೂ ಒಂದೊಂದು ಪಾಂಡು ಹಾಸ್ಯದ ಎಳೆಯನ್ನು ಹೊಸೆತ್ತಿರುವ ಎಂ.ಎಸ್‌.ನರಸಿಂಹಮೂರ್ತಿ ಮುಖದಲ್ಲಿ ಕಳೆ ಕಿಂಚಿತ್ತೂ ಮಾಸಿಲ್ಲ. ಅವರ ನಗೆ ಬತ್ತಳಿಕೆ ಅಕ್ಷಯವಾದುದು ಅಂತ ಶಹಬ್ಭಾಸ್‌ಗಿರಿ ಕೊಟ್ಟಾಗ ಪಾಂಡು ಶೈಲಿಯಲ್ಲೇ ನರಸಿಂಹಮೂರ್ತಿ ನಕ್ಕರು.

ಇಪ್ಪತ್ತೆೈದು ನಿಮಿಷದ ನಿತ್ಯ ಕಚಗುಳಿಯಿಡುವ ಈ ಧಾರಾವಾಹಿಯಲ್ಲಿ 10 ನಿಮಿಷ ಜಾಹೀರಾತು ಇದೆಯೆಂದರೆ ಇದರ ಜನಪ್ರಿಯತೆ ತಲುಪಿರುವ ತುದಿಯ ಎತ್ತರ ಎಂಥದ್ದು ನೋಡಿ. ಪಾಂಡು ಬಳಗ ಧಾರಾವಾಹಿಯ ಹೊಸ ತಿರುವನ್ನು ನಾಲ್ಕೇ ಸಾಲುಗಳಲ್ಲಿ ಎಷ್ಟು ಸೊಗಸಾಗಿ ಹೇಳುತ್ತದೆ, ಓದಿ-

  • 'ಪಾ.ಪ. ಪಾಂಡು"ಗೆ ಒಂದು ಹೊಸ ರೂಪ
  • 'ಪಾ.ಪ.ಪಾಂಡು"ಗೊಂದು ಪಾಪ
  • ಪಾಂಡು ನಗೆಗೆ ಹೊಸ ತಿರುವು : ಪುಂಡನ ಆಗಮನ
  • ಬರುತ್ತಿದ್ದಾನೆ ಪಾಂಡು ಮಗ 'ಪುಂಡ"
English summary
Master Hirannayya to enter Pa.Pa.Pandu patalam
Please Wait while comments are loading...