ಸೆಂಚುರಿ ಸ್ಟಾರ್ ಶಿವಣ್ಣನ 104ನೇ ಚಿತ್ರ ಸಂಕ್ರಾಂತಿಗೆ

ಶಿವರಾಜ್ ಕುಮಾರ್

ಶಿವಣ್ಣನ ಬ್ರಹ್ಮಾಸ್ಮಿಗೆ ನಿರ್ದೇಶಕರು ಕಿರಣ್. ಇದು ಅವರ ಮೊದಲ ಚಿತ್ರ. ಮಕರ ಸಂಕ್ರಾಂತಿಯಂದು ಮುಹೂರ್ತ. ನಾಯಕಿ ದಕ್ಷಿಣ ಭಾರತದ ಖ್ಯಾತ ನಟಿ ಅನುಷ್ಕಾ. ಈಗಾಗಲೇ ಅನುಷ್ಕಾ ಜೊತೆ ಮಾತುಕತೆ ನಡೆದಿದ್ದು ಫೋಟೋ ಸೆಷನ್ ಕೂಡ ಮುಗಿದಿದೆ. ಅನುಷ್ಕಾ ಬರುತ್ತಾಳೆಂದರೆ ನಿರೀಕ್ಷೆ ಸಹಜವೇ.

ಈ ಹಿಂದೆ 'ಕೃಷ್ಣನ್ ಮ್ಯಾರೇಜ್ ಸ್ಟೋರಿ' ಚಿತ್ರ ನಿರ್ಮಿಸಿದ್ದ ವಿಜಯ್ ಕುಮಾರ್ ಈ ಬ್ರಹ್ಮಾಸ್ಮಿಯನ್ನೂ ನಿರ್ಮಿಸುತ್ತಿದ್ದಾರೆ. ಬ್ರಹ್ಮ ದೇವರೆಂದು ಪೂಜಿಸಲ್ಪಡುವವನು. ಅವನ ಹೆಸರಿನ ಚಿತ್ರ ಯಾವ ರೀತಿಯದು ಎಂಬ ಗುಟ್ಟು ಸದ್ಯಕ್ಕೆ ರಟ್ಟಾಗಿಲ್ಲ. ಮಕರ ಸಂಕ್ರಾಂತಿಯವರೆಗೆ ಕಾಯಲೇಬೇಕು. ಸಂಕ್ರಾಂತಿಗೆ ಸಿಹಿ ನ್ಯೂಸ್ ಹೇಗೂ ಗೊತ್ತಾಯ್ತಲ್ಲ!