ಬಿಎ ಎಲ್‌ಎಲ್‌ಬಿಯಲ್ಲಿ ಮುನ್ನುಗ್ಗಿದ ಮಂಜುನಾಥ

ನವರಸ ನಾಯಕ ಜಗ್ಗೇಶ್ ಮುಖ್ಯಭೂಮಿಕೆಯಲ್ಲಿರುವ 'ಮಂಜುನಾಥ ಬಿಎ ಎಲ್‌ಎಲ್‌ಬಿ' ಚಿತ್ರಕ್ಕೆ ನಾನ್‌ಸ್ಟಾಪ್ ಶೂಟಿಂಗ್ ನಡೆಯುತ್ತಿದೆ. ಈ ಚಿತ್ರದಲ್ಲಿ ಜಗ್ಗೇಶ್ ಕಾಮಿಡಿ ಪ್ರೇಕ್ಷಕರನ್ನು ಚಿತ್ರದಾದ್ಯಂತ ನಕ್ಕು ನಲಿಸುತ್ತದೆ ಎಂದು ನಿರ್ದೇಶಕ ಮದನ್ ತಿಳಿಸಿದ್ದಾರೆ.

ಸಲ್ಮಾನ್ ಖಾನ್ ಹಾಗೂ ಕರೀಷ್ಮಾ ಕಪೂರ್ ಜೊತೆಯಾಗಿ ಅಭಿನಯಿಸಿದ 'ಬಾಡಿಗಾರ್ಡ್' ಹಿಂದಿ ಚಿತ್ರದ ಆಧಾರವಾಗಿ ಬಂದ ಕನ್ನಡದ 'ಬಾಡಿಗಾರ್ಡ್' ಚಿತ್ರವನ್ನು ಜಗ್ಗೇಶ್ ನಿರ್ಮಿಸಿ, ಅಭಿನಯಿಸಿದ್ದರು. ಆದರೆ ಈ ಚಿತ್ರ ನಿರೀಕ್ಷಿತ ಮಟ್ಟದಲ್ಲಿ ಯಶಸ್ವಿಯಾಗಲಿಲ್ಲ.

ಈಗ 'ಮಂಜುನಾಥ ಬಿಎ ಎಲ್‍ಎಲ್‌ಬಿ' ಚಿತ್ರವನ್ನಾದರೂ ಗೆಲ್ಲಿಸಬೇಕು ಎಂಬ ಹಠದಲ್ಲಿ ಜಗ್ಗೇಶ್ ಹಾಗೂ ನಿರ್ದೇಶಕ ಮದನ್ ಶ್ರಮಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಜಗ್ಗೇಶ್‌ಗೆ ನಾಯಕಿಯಾಗಿ ನಿಖಿತಾ ತುಕ್ರಲ್ ಅಭಿನಯಿಸುತ್ತಿದ್ದಾರೆ. 'ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ' ಚಿತ್ರದಲ್ಲೂ ನಿಖಿತಾ ಬಿಜಿಯಾಗಿದ್ದಾರೆ. (ಒನ್‌ಇಂಡಿಯಾ ಕನ್ನಡ)