ಮುಖಪುಟ

ಸಿನಿ ಸಮಾಚಾರ

ಮಲ್ಲು ಬೆಡಗಿ ನವ್ಯಾ ನಾಯರ್ ತನ್ನ ಮಗುವಿಗೊಂದು ಮುದ್ದಾದ ಹೆಸರಿಟ್ಟಿದ್ದಾರೆ. ಶ್ರೀಕೃಷ್ಣ ಪರಮಾತ್ಮನ ಪರಮ ಭಕ್ತೆಯಂತೆ ನವ್ಯಾ ನಾಯರ್, ತನ್ನ ಮಗನಿಗೆ ಸಾಯಿ ಕೃಷ್ಣ ಎಂದು ನಾಮಕರಣ ಮಾಡಿದ್ದಾರೆ. ತ್ರಿವೇಂಡ್ರಂನ ಕಿಮ್ಸ್ ಆಸ್ಪತ್ರೆಯಲ್ಲಿ ನವ್ಯಾ ನಾಯರ್ ನ.22, 2010ರಂದು ಗಂಡು ಮಗುವಿಗೆ ಜನನ ನೀಡಿದ್ದರು.

ತ್ರಿಶೂರಿನಲ್ಲಿರುವ ತನ್ನ ಮನೆಯಲ್ಲಿ ಇತ್ತೀಚೆಗೆ ನಾಮಕರಣ ಸಮಾರಂಭ ನಡೆಯಿತು. ಪತಿ ಸಂತೋಷ್ ಮೆನನ್ ಹಾಗೂ ತನ್ನ ಕಂದನೊಂದಿಗೆ ನವ್ಯಾ ನಾಯರ್ ಛಾಯಾಗ್ರಾಹಕರಿಗೆ ಸ್ಮೈಲ್ ಕೊಡುತ್ತಾ ಪೋಸ್ ನೀಡಿದರು. ಜನವರಿ 21, 2010ರಲ್ಲಿ ಸಂತೋಷ್ ಮೆನನ್ ಅವರೊಂದಿಗೆ ನವ್ಯಾ ಮದುವೆ ನಡೆದಿತ್ತು.

ಛಾಲೆಂಜಿಂಗ್ ಸ್ಟಾರ್ ದರ್ಶನ್ ಜತೆ 'ಬಾಸ್' ಹಾಗೂ 'ಗಜ' ಚಿತ್ರಗಳಲ್ಲಿ, ಶಿವರಾಜ್ ಕುಮಾರ್ ಅವರೊಂದಿಗೆ 'ಭಾಗ್ಯದ ಬಳೆಗಾರ' ಚಿತ್ರದಲ್ಲಿ ನವ್ಯಾ ಅಭಿನಯಿಸಿದ್ದಾರೆ. 'ನಮ್ ಯಜಮಾನ್ರು' ಹಾಗೂ 'ಕಲ್ಲರಳಿ ಹೂವಾಗಿ' ಚಿತ್ರಗಳಲ್ಲೂ ಗಮನಸೆಳೆಯುವ ಪಾತ್ರಗಳಲ್ಲಿ ನವ್ಯಾ ಕಾಣಿಸಿಕೊಂಡಿದ್ದರು. [ನವ್ಯಾ ನಾಯರ್]